اے آئی یو نے آن لائن ورکشاپس کرانے کا فیصلہ کرلیا

علامہ اقبال اوپن یونیورسٹی اے آئی یو نے طلباء کی ورکشاپس آن لائن کرانے کا فیصلہ کیا ہے۔ اسپرنگ سیمسٹر کی تمام ورکشاپس آن لائن کرائی جائنگی۔ یہ فیصلہ طلباء اور عملے کی حفاظت کو یقینی بنانے کے لئے لیا گیا ہے۔ تاہم ، یونیورسٹی نے ابھی تک فال سمسٹر کی ورکشاپس کے بارے میں فیصلہ نہیں کیا ہے۔

اے آئی یو پہلے ہی اپنے تمام امتحانات منسوخ کرچکی ہے اور اسائنمنٹ کے نتائج کی بنیاد پر تمام طلبہ کو گریجویٹ کیا گیا ہے۔ اسکے ساتھ ساتھ یونیورسٹی اپنے آنے والے امتحانات کی حکمتِ عملی پر غور کر رہی ہے۔ یونیورسٹی کا یہ بھی کہنا ہے کے اگر حالات بہتر نہ ہوئے تو اگلے امتحانات بھی منسوخ کیے جاسکتے ہیں۔

اے آئی یو نے داخلے کے لئے آخری تاریخ میں 5 جون 2020 تک کی توسیع کردی ۔ یونیورسٹی کا کیمپس اور تمام دفاتر 31 مئی تک بند ہونے کی وجہ سے طلبہ اپنا داخلہ فارم پوسٹ آفس کے ذریعہ جمع کراسکتے ہیں۔

گذشتہ مہنے، وفاقی وزیر برائےتعلیم شفقت محمود نے کہا ہے کہ حکومت لاک ڈاؤن کے دوران ہونے والے تعلیمی نقصان کو دور کرنے کے لیے علامہ اقبال اوپن یونیورسٹی کے ریموٹ لرننگ کے عمل کو فروغ دینے میں معاونت کررہی ہے۔

پوری خبر پڑھنے کے لیے اس لنک پر کلک کریں: حکومت کی جانب سے فاصلاتی تعلیم کو فروغ دینے میں علامہ اقبال اوپن یونیورسٹی کی معاونت