سندھ حکومت کا میڈیکل اینڈ ڈینٹل کونسل کے قیام کا اعلان

صوبائی وزیر صحت عذرا فضل پیچوہو نے اعلان کیا ہے کہ حکومت سندھ کی جانب سے سندھ میڈیکل اینڈ ڈینٹل کونسل (ایس ایم ڈی سی) قائم کی جائے گی۔

اطلاعات کے مطابق صوبائی وزارت صحت نے ایک منصوبہ تیار کیا ہے جسے پہلے ہی مشاورت کے لیے صوبائی وزارت قانون کو پیش کیا جاچکا ہے۔

میڈیا سے خطاب کے دوران صوبائی وزیر صحت عذرا فضل پیچوہو نے کہا کہ ایس ایم ڈی سی کی تشکیل پر تیزی سے کام جاری ہے اور اس کے بارے میں مطلع کرنے والا بل تین ماہ کے اندر اندر متعارف ہونے کے بعد منظور ہو کر قانون میں تبدیل ہو جائے گا۔

دوسری جانب سندھ اور دیگر صوبوں نے پاکستان میڈیکل کمیشن (پی ایم سی) کے قیام سے متعلق تحفظات کا اظہار کیا ہے۔ میڈیکل ایجوکیشن کے ماہرین نے بھی پی ایم ڈی سی کے خاتمے کے بارے میں سوالات اٹھائے ہیں، اس حوالے سے ہونے والی بحث میں کہا گیا ہے کہ پی ایم سی مکمل مخالفت کے علاوہ میڈیکل ایجوکیشن میں اس کے معیار کو بڑھانے کے لیے کچھ نہیں کرے گا۔

واضح رہے کہ پی ایم سی ایکٹ 2020 کو گذشتہ ماہ وفاقی حکومت نے نافذ کیا تھا جس میں پی ایم سی کے قیام کو سپریم میڈیکل اور ڈینٹل کالجز کی گورننگ باڈی کے طور پر مطلع کرنے اور میڈیکل اینڈ ڈینٹل کونسل آف پاکستان (پی ایم ڈی سی) کو منسوخ کرنے کی اطلاع دی گئی تھی۔