سندھ اسمبلی، میٹرک تک ناظرہ قرآن کی تعلیم کے بل کی منظوری کیلیے نوٹس جاری

بذریعہ ٹیم سی جی
|
مئی 28, 2021
|

سندھ اسمبلی میں پہلی تا میٹرک لازمی ناظرہ قرآن کی تعلیم دینے کی منظوری کا بل ایم ایم اے کے رکن سندھ اسمبلی سید عبدالرشید نے جمع کروایا تھا۔

مزید پڑھیئے: اسلام آباد میں اساتذہ کی ویکسینیشن ترجیحی بنیادوں پر کی جائے گی

سید عبدالرشید کا کہنا ہے کہ اسلامی تعلیمات کا نصاب میں شامل ہونا وقت کی عین ضرورت ہے، جس طرح مغرب ہمارے نظریات کو کھوکھلا کرنے کی کوشش کر رہا ہے ایسے اقدامات فوری کیے جائیں کہ جن کے نتیجے میں نوجوان اسلام سے جڑے رہیں، میٹرک تک جن تعلیمی اداروں میں ناظرہ قرآن کی تعلیمات نہ دی جائیں ان کے خلاف قانونی کارروائی ہونی چاہیے۔

مزید پڑھیئے: پنجاب نے میٹرک اور انٹرمیڈیٹ کے امتحانات کے شیڈول کا اعلان کردیا

ان کا کہنا ہے کہ والدین سے بھی گزارش کروں گا کے جن اسکولوں میں عصری تعلیم کے ساتھ دینی تعلیم نہیں دی جارہی وہاں اپنے بچوں کو داخل نہ کروائیں،جب تک تعلیمی اداروں میں عملی طور پر لازمی ناظرہ قرآن کا آغاز نہیں کردیا جاتا اس وقت تک جدوجہد جاری رکھوں گا۔