اسکولز 11 جنوری کو دوبارہ کھول دیئے جائیں، شہرام ترکئی کی تجویز

بذریعہ ٹیم سی جی
|
جنوری 01, 2021
|

وزیر تعلیم خیبر پختونخوا شہرام خان ترکئی نے 11 جنوری 2021 سے ملک بھر کے تعلیمی اداروں کو دوبارہ کھولنے کا مشورہ دیا ہے۔

مزید پڑھیں: اسکول 11 جنوری کو دوبارہ کھلنے چاہئیں

میڈیا سے گفتگو کرتے ہوئے شہرام ترکئی نے کہا کہ تعلیمی اداروں کو دوبارہ کھولنے کے فیصلے پر نظرثانی کے لیے 4 جنوری 2021 کو منعقد ہونے والی بین الصوبائی وزرائے تعلیم کانفرنس (آئی پی ای ایم سی) میں تعلیمی اداروں کو کھولنے کی تجویز پیش کی جائے گی۔

حال ہی میں پنجاب کے وزیر تعلیم مراد راس نے ایک بیان میں کہا کہ ملک میں کوروناوائرس کی موجودہ صورتحال کو مدنظر رکھتے ہوئے تعلیمی اداروں کا دوبارہ کھلنا ممکن نہیں لگتا۔ تاہم صوبائی وزیر نے کہا تھا کہ موجودہ حالات میں تعلیمی اداروں کو بند رکھنا سب سے زیادہ قابل عمل آپشن ہے۔

دوسری جانب سندھ کے وزیر تعلیم سعید غنی نے بھی کہا ہے کہ کورونا وائرس کی دوسری لہر کے درمیان صوبے میں تعلیمی اداروں کو دوبارہ کھولنا کورونا وائرس کے کیسز میں اضافے کا باعث ہوسکتا ہے۔

اس سے قبل نومبر میں این سی او سی نے کورونا وائرس کی دوسری لہر کے پیش نظر 26 نومبر 2020 سے 11 جنوری 2021 تک تعلیمی اداروں کو بند رکھنے کی سفارش کی تھی۔