اے آئی یو نے طلباء کے لئے مالی امداد کا اعلان کردیا

علامہ اقبال اوپن یونیورسٹی (اے آئی یو) نے خزاں 2020 کے سیمسٹر میں داخلے لینے والے کچھ طلباء کے لئے مالی امداد کا اعلان کردیا۔

منگل کے روز ایک اعلامیے میں ، اے آئی یو کی جانب سے کہا گیا ہے کہ انہوں نے معاشرے کے غریب اور نادار طبقات کی تعلیم کے لئے مالی امداد کے لئے ایک رقم مختص کی ہے ، تاکہ طلبہ معیاری تعلیم حاصل کرکے احترام کے ساتھ ان کی روزی کما سکیں۔

اے آئی یو کے وائس چانسلر پروفیسر ڈاکٹر ضیاءالقیوم نے کہا کہ ، "ہم معاشرے میں معاشرتی تبدیلی لاسکتے ہیں اور اے آئی یو قومی ادارہ ہونے کے ناطے معاشرے کی معاشرتی اور معاشی ترقی کے لئے کوشاں ہے۔" رانا طارق جاوید ، اسٹوڈنٹس ایڈوائزری اینڈ کونسلنگ سروسز کے ڈائریکٹر نے کہا کے طلبا فیس میں رعایت کا فارم یونیورسٹی کے علاقائی دفاتر سے حاصل کرسکتے ہیں اس کے ساتھ ساتھ وہ فارم کو اے آئی یو کی ویب سائٹ سے بھی ڈاؤن لوڈ کرسکتے ہیں۔ اس سہولت سے غریب، معذور، قیدی ، ٹرانسجینڈر اور شہید کے بچوں کو پڑھایا جائے گا۔

طلبا 24 اگست تک اپنے علاقائی دفاتر میں تمام مطلوبہ دستاویزات کے ساتھ درخواست فارم جمع کراسکتے ہیں۔