پاکستانی طالبِ علم نے جی آر ای میں نیا قومی رکارڈ قائم کردیا

بذریعہ ٹیم سی جی
|
اگست 05, 2020
|

لاہور یونیورسٹی آف منیجمنٹ سائنسز (لمز) کے طالبِ علم سعد عامر نے 340 میں سے 339 نمبر حاصل کر کے ایک نیا جی آر ای قومی ریکارڈ قائم کردیا۔ انھوں نے اپنے سابقہ اسکور کو بہتر بنا کر جی آر ای میں قومی بہتری کا ریکارڈ بھی قائم کیا ہے۔

سعد دنیا کی بڑی بزنس یونیورسٹیز جیسے کے ہارورڈ ، اسٹینفورڈ ، ایم آئی ٹی ، ییل ، کیمبرج ، آکسفورڈ ، کولمبیا ، ایچ ای سی پیرس، انسیڈ، لندن اسکول آف اکنامکس ، اور لندن بزنس اسکول میں داخلہ لینے کا ارادہ رکھتا ہے۔

اپنے تجربے کے بارے میں بتاتے ہوئے سعد نے کہا کہ، میں مستقبل کے تمام طلبا کو مشورہ دینا چاہتا ہوں کہ وہ سوالات کو حل کرنے پر زیادہ توجہ نہ دیں بلکہ ان کو حل کرنے کے طریقے کو تبدیل کریں۔

سعد نے جی میٹ، جی آر ای، ٹوفل، آئلٹس، اور دیگر امتحانات دینے کی تیاری کرنے والے پاکستانی طلبا کی مدد کے لئے ایک یوٹیوب چینل بھی بنایا ہے۔