یونیورسٹیوں کو موسمیاتی تبدیلی سے نمٹنے کے لیے تحقیق کی ضرورت ہے

یونیورسٹیوں کو موسمیاتی تبدیلی سے نمٹنے کے لیے تحقیق کی ضرورت ہے

پالیسی سازوں، ماہرین تعلیم اور طلباء کا گلوبل وارمنگ کے مضمراثرات پر تبادلہ خیال

برٹش کونسل نے بدھ کے روز ہائر ایجوکیشن کمیشن کے ساتھ مل کر ایک گول میز کانفرنس کا اہتمام کیا جس کا عنوان تھا ایجوکیشن فار کلائمیٹ ایکشن، یونیورسٹیاں ماحولیاتی بحران سے کیسے نمٹ سکتی ہیں۔

مقررین نے کہا کہ اعلیٰ تعلیم کا شعبہ دنیا کو ماحولیاتی تبدیلی کے اثرات کو سمجھنے کے قابل بنا رہا ہے۔ تاہم، پالیسی اور شہریوں کے عمل سے پہلے کہ دنیا کی آب و ہوا کے ساتھ کیا ہو رہا ہے اس کے سائنسی شواہد کو گرفت میں لانے کے لیے ابھی بہت لمبا سفر طے کرنا باقی ہے۔

مزید پڑھئے: آکسفورڈ یونیورسٹی کا آکسفورڈ پاکستان پروگرام متعارف

کانفرنس کے شرکاء کا کہنا تھا کہ چونکہ پاکستان موسمیاتی تبدیلیوں سے پانچواں سب سے زیادہ متاثر ہونے والا ملک ہے، اس لیے پاکستان میں ضرورت ہے کہ گیپس، مواقع کی نشاندہی کی جائے اور ترقی پذیر راستے اور ایک سرسبز پاکستان کی تعمیر کی راہ ہموار کی جائے۔

اس سال کے آخر میں برطانیہ میں اقوام متحدہ کی آب و ہوا کی تبدیلی پر ہونے والی کانفرنس کے ساتھ، گول میز کانفرنس کا مقصد پاکستان اور برطانیہ کے اسٹیک ہولڈرز، ماہرین تعلیم، سول سوسائٹی اور ترقیاتی تبدیلیوں کو ایک پلیٹ فارم پر اکٹھا کرنا ہے تاکہ اس بات کا اندازہ لگایا جاسکے کہ ہم اس وقت کہاں کھڑے ہیں، کلائمیٹ چینج سے نمٹنے کے لیے مزید کیا اقدامات کرنے کی ضرورت ہے، کیا کیا جائے اور ہم ایک دوسرے سے کیا سیکھ سکتے ہیں۔

افتتاحی سیشن میں وفاقی وزیر برائے تعلیم شفقت محمو، ڈیولپمنٹ ڈائریکٹر برٹش ہائی کمیشن پاکستان اینابیل گیری اور برٹش کونسل کے کنٹری ڈائریکٹر برائے پاکستان عامر رمضان نے خطاب کیا۔

دیگر مقررین میں پالیسی ساز، حکومتی عہدیدار، پاکستان اور برطانیہ کے اعلیٰ تعلیم کے رہنما، وائس چانسلرز، محققین اور ماہرین تعلیم، بین الاقوامی ترقیاتی تنظیمیں، ریسرچ پارٹنرشپ گرانٹیز، یوکے کے سابق طلباء اور موجودہ طلباء شامل تھے۔

یہ ایونٹ ہائبرڈ تھا جس میں شرکاء نے اس موقع پر آن لائن اور آف لائن دونوں طرح سے گفتگو کی۔

مزید پڑھئے: اسلامیہ یونیورسٹی کا ملائیشین یونیورسٹی کے ساتھ تعاون کا آغاز

شفقت محمود نے اپنے خطاب میں کہا کہ آب و ہوا کی صورتحال گہری توجہ اور فوری کارروائی کا تقاضا کرتی ہے اور مجھے خوشی ہے کہ برٹش کونسل جیسی بین الاقوامی تنظیمیں پاکستان میں اس طرح کی گول میز کانفرنسز کے ذریعے نوجوانوں اور پالیسی سازوں کو مشترکہ پلیٹ فارم پر سرگرم کرنے کے طریقے شروع کر رہی ہیں۔

ایچ ای سی کی ایگزیکٹو ڈائریکٹر ڈاکٹر شائستہ سہیل نے ایک پائیدار مستقبل کی تعمیر میں کردار اداکرنے اور ذمہ داریوں کے بارے میں خطاب کرتے ہوئے کہا کہ یونیورسٹیز کو افرامیشن پالیسی اور پریکٹس کا چارج لینا ہوگا۔

ان کا کہنا تھا کہ 261 پاکستانی اسکالرز کو ماحولیاتی موضوعات میں اعلیٰ تعلیم حاصل کرنے کے لیے فنڈز دیئے گئے ہیں۔

ڈاکٹر شائستہ سہیل کا کہنا تھا کہ یونیورسٹیاں، اینٹوں کی تیاری یا فصلوں کو جلانے سمیت ان تمام مسائل پر توجہ، اچھی طرح سے باخبر اور اچھی طرح سے تحقیق شدہ معلومات دے سکتی ہیں جو ماحولیاتی تبدیلی کا باعث بن رہے ہیں۔

عامر رمضان کنٹری ڈائریکٹر برٹش پاکستان نے کہا، میں پرامید ہوں کہ یہاں ہونے والی بات چیت ہمیں ایک دوسرے سے سیکھنے میں مدد دے گی اور ہم مل کر پاکستان میں اعلیٰ تعلیم میں مرکزی دھارے کے پائیدار طریقوں کی راہ تلاش کر سکتے ہیں۔

انہوں نے کہا کہ وہ اس بارے میں بھی مثبت سوچ رکھتے ہیں کہ یہ سیمینار اعلیٰ تعلیم کے شعبے میں قومی سطح پر ماحولیاتی گفتگو اور تعلیمی قیادت کے ذریعے ہمارے پائیدار مستقبل کو سنبھالنے کے لیے ایچ ای سی کی حکمت عملی میں اہم کردار ادا کرے گا۔

انہوں نے کہا کہ کالئمیٹ ایکشن کو ترجیح دینے اور پاکستان میں حقیقی نتائج حاصل کرنے کے لیے برٹش سیکٹر سے مضبوط روابط قائم کرنے اور سیکھنے کی ضرورت ہے کیونکہ برطانیہ موسمیاتی تبدیلی اور کلائمیٹ ایکشن کی تحقیق میں سب سے آگے ہے۔ یہ انوائرنمنٹل سائنس (یونیورسٹی آف آکسفورڈ، یونیورسٹی آف کیمبرج، امپیریل کالج لندن) کے لیے ٹاپ تین یونیورسٹیوں میں سے تین کا گھر ہے۔

برٹش کونسل دنیا بھر میں شراکت داروں کے ساتھ مل کر کام کر رہی ہے تاکہ سی او پی 26 کی کامیابی اور وراثت کو سہارا دیا جا سکے۔ فنون، تعلیم اور سائنس کے شعبہ جات میں تعاون، مکالمے اور عمل کے مواقع پیدا کیے جائیں جو کہ ماحولیاتی تبدیلی کے مشترکہ چیلنجوں سے نمٹنے میں مددگار ثابت ہوتے ہیں۔

 ان کوششوں میں سے ایک ایچ ای سی برٹش کونسل کے زیر انتظام پاک برطانیہ تعلیمی گیٹ وے کے تحت پاکستان اور برطانیہ کے درمیان تحقیقی روابط کی حمایت کرنا ہے۔

(یہ خبر ایکسپریس ٹریبیون کی 7 اکتوبر 2021 کی اشاعت سے اخذ کی گئی ہے)