متعدد طلبا میں کورونا وائرس کی تشخیص

بذریعہ ٹیم سی جی
|
اگست 26, 2020
|

یونیورسٹی آف انجینئرنگ اینڈ ٹیکنالوجی (یو ای ٹی) کے متعدد طلباء میں کوویڈ 19 کا ٹیسٹ مثبت۔ جس کی وجہ یہ ہے کہ یونیورسٹی نے بغیر کسی ایس او پی کی پیروی کرے تعلیمی سرگرمیوں کا آغاز کردیا تھا۔

اطلاعات کے مطابق، لاہور کیمپس کے چار طلباء میں کوویڈ 19 کا ٹیسٹ مثبت آیا جبکہ نارووال کیمپس میں سات طلبا میں کورونا وائرس کی علامات پائی گئی ہیں جنہیں ٹیسٹ کے نتائج آنے تک آئیسولیٹ کردیا گیا ہے۔

یو ای ٹی نے پیر کے روز بغیر کسی ایس او پیز کے کیمپس میں سیمسٹر امتحانات کا آغاز کیا جبکہ کیمپس کے ہاسٹل میں چند روز قبل کورونا وائرس کے واقعات کی اطلاع ملی تھی۔

طلباء نے اس صورتحال پر تشویش کا اظہار کیا ہے اور کہا ہے کہ ہنگامی بنیادوں پر آن کیمپس امتحانات کو منسوخ کرنا چاہیئے۔ طلباء نے یو ای ٹی کی انتظامیہ کو مختلف درخواستوں کے ذریعے سیمسٹر امتحانات آن لائن کروانے کی بھی گزارش کی جسطرح دیگر یونیورسٹیوں میں منعقد کیے جارہے ہیں۔

یو ای ٹی میں حالیہ کورونا وائرس نے حکومت کے 15 ستمبر سے ملک بھر کے تمام تعلیمی اداروں کو دوبارہ کھولنے کے فیصلے پر بھی شدید سوالات اٹھائے ہیں۔