فیڈرل ڈائریکٹوریٹ آف ایجوکیشن (ایف ڈی ای) نے اسلام آباد میں اسکولوں اور کالجوں کی بندش کو 23 مئی تک بڑھانے کا اعلان کیا ہے

فیڈرل ڈائریکٹوریٹ آف ایجوکیشن (ایف ڈی ای) نے اسلام آباد میں اسکولوں اور کالجوں کی بندش کو 23 مئی تک بڑھانے کا اعلان کیا ہے۔

وفاقی وزارت تعلیم و پیشہ ورانہ تربیت کی وزارت کی جاری کردہ اطلاعات کے مطابق ایف ڈی ای نے 14 مئی کو کی جانے والی اداروں کی بندش میں 17 سے 23 مئی تک توسیع کی ہدایت کی ہے۔

مزید پڑھیئے: خیبرپختونخوا میں سیکڑوں لیکچرارز کی بھرتی کا اعلان

وزارت تعلیم کے ایک سینئر افسر نے بتایا کہ ہاں ، ہم نے بندش میں 23 مئی تک توسیع کردی ہے۔ دوسری جانب آئندہ کے لائحہ عمل کا فیصلہ کرنے کے لیے بین الصوبائی وزرائے تعلیم کی کانفرنس (آئی پی ای ایم سی) اور نیشنل کمانڈ اینڈ آپریشن سینٹر (این سی او سی) کا اجلاس منگل کو ہونے والا ہے جس میں اگلے لائحہ عمل کا اعلان کیا جائے گا۔

تاہم ، ایک اور حکومتی عہدیدار نے بتایا کہ حتمی فیصلے کا اعلان آئی پی ای ایم سی اور این سی او سی کے ذریعہ کیا جائے گا، ملک میں کووِڈ 19 کی موجودہ صورتحال کو مدنظر رکھتے ہوئے، یہ ممکن ہے کہ 23 مئی سے ایس او پیز کے تحت تعلیمی اداروں کو دوبارہ کھولنے کی اجازت دے دی جائے۔

مزید پڑھیئے: سعودی عرب کی تعلیمی فرم پاکستان کے تعلیم کے شعبے میں سرمایہ کاری کی خواہشمند

انہوں نے بتایا کہ اگرچہ کووڈ 19 کے کیسز میں کمی واقع ہوئی ہے مگر طلبا کو پہلے ہی تعلیمی نقصان کا سامنا کرنا پڑا ہے۔ انہوں نے یہ بھی بتایا کہ اگر کورونا وائرس کے کیسز میں اضافہ نہیں ہوتا ہے تو، بورڈ کے امتحانات شیڈول کے مطابق جون اور جولائی میں ہوں گے۔