وفاقی سرکاری تعلیمی اداروں میں ہفتہ کی چھٹی ختم کرنے کافیصلہ

وفاقی سرکاری تعلیمی اداروں میں ہفتہ کی چھٹی ختم کرنے کی تجویز

رواں سال تعلیمی اداروں میں موسم سرما کی تعطیلات نہیں ہونگی۔ وزارت تعلیم نے وفاقی نظامت تعلیمات کو ایک مراسلہ جاری کیا ہے، جس میں یہ فیصلہ کیا گیا ہے۔

ایڈیشنل سیکرٹری برائے وزارت تعلیم محی الدین احمد وانی کی جانب سے ڈائریکٹر جنرل وفاقی نظامت تعلیمات کے نام لکھے گئے مراسلے میں کہا گیا ہے کہ ہفتے کے روز اسپیشل کلاسز لگائی جائیں، کورونا وباء کے دوران ہونے والے تعلیمی نقصان کاازالہ کیا جائے اور اساتذہ تعلیمی لحاظ سے کمزور طلباٗ کو ہفتے والے دن خصوصی تیاری کروائیں۔

مراسلے کے مطابق آئندہ سال وفاقی تعلیمی بورڈ کے میٹرک اور انٹرمیڈیٹ کے امتحانات 15روز کی تاخیر سے لینے کافیصلہ کیا گیا ہے جس سے بورڈز کے امتحانات میں حصہ لینے والے طلباٗ کو تیاری کا مناسب وقت میسر آ سکے گا۔

مراسلے میں کہا گیا ہے کہ تمام اداروں کے سربراہان تعلیمی کیلنڈر کے مطابق اپنے فریم ورک کی تیاری کریں،15ستمبر سے اسکولوں کو دوبارہ کھولنے کاحتمی فیصلہ 7ستمبر کو یعنی آج ہونے والے ایک اہم اجلاس میں کیا جائے گا۔