حکومتِ پنجاب کا ننکانہ صاحب میں یونیورسٹی بنانے کا فیصلہ

گورنر پنجاب ، چودھری محمد سرور نے بابا گرو نانک یونیورسٹی ننکانہ صاحب بل 2020 پر دستخط کردیے۔ قانون سازی کے منظور ہونے کے بعد حکومت پنجاب ننکانہ صاحب میں بین الاقوامی سطح کی یونیورسٹی قائم کرے گی۔

چودھری سرور نے کہا ، "بابا گرو نانک یونیورسٹی یونیورسٹی تعلیم اور تحقیق میں بہتری لائے گی اور مختلف شعبوں کا ایک بہترین مرکز بن جائے گی۔" انہوں نے مزید کہا کہ ننکانہ صاحب کے تاریخی شہر میں ایک اعلی سطحی یونیورسٹی کے قیام سے ترقی ، خوشحالی اور علم کے ایک نئے مرحلے کا آغاز ہوگا۔

اکتوبر 2019 میں وزیر اعظم عمران خان نے اس یونیورسٹی کا سنگ بنیاد رکھا جس کا نام بانی سکھ مذہب بابا گرو نانک کے نام پر رکھا گیا تھا۔ یہ یونیورسٹی شمال مشرقی صوبہ پنجاب کے ضلع ننکانہ صاحب میں قائم کی جائیگی۔ جو کے بابا گرو نانک کی جائے پیدائش بھی ہے اور لاہور سے 75 کلومیٹر (46 میل) کے فاصلے پر موجود ہے۔