سرکاری کالجز میں کورونا وائرس کے کیسز میں تیزی کی اطلاع

بذریعہ ٹیم سی جی
|
جنوری 29, 2021
|

کراچی کے سرکاری کالجوں میں کورونا وائرس کے کیسز میں اضافے کی اطلاع ملی ہے۔

سرکاری اعداد و شمار کے مطابق سرسید گورنمنٹ گرلز کالج کے 58 کارکنان اس وائرس سے متاثر ہوئے ہیں۔ جبکہ شہید ملت گرلز کالج کے 21 ورکرز کا ٹیسٹ بھی مثبت آیا ہے۔

ایک سرکاری رپورٹ کے مطابق، ابھی تک کراچی کے متعدد کالجوں میں ٹیسٹ ہونے باقی ہیں۔ تاہم، اس فیصلے پر غور کیا جارہا ہے کہ جب تک کیسز کی تعداد میں کمی نہیں آتی اس وقت تک کالجوں کی تعلیمی سرگرمیاں معطل کردی جائیں۔