پی ایم سی کے نئے فیصلے نے امیدواروں کو پریشانی میں ڈال دیا

پاکستان میڈیکل کمیشن (پی ایم سی) کے ذریعہ ملک بھر میں یکساں میڈیکل اینڈ ڈینٹل کالج داخلہ ٹیسٹ (ایم ڈی کیٹ) کے نصاب کو تبدیل کرنے کے حالیہ فیصلے سے اہل امیدوار ہکا بکا رہ گئے ہیں۔ سوشل میڈیا ویب سائٹس پر طلباء کے احتجاج اور ٹوئٹر پر ڈیلےایم ڈی کیٹ ہیش ٹیگ کے باوجود وزیر اعظم کے معاون برائے صحت ڈاکٹر فیصل سلطان کا صحت سے متعلق بیان ابھی بھی وضاحت طلب ہے۔

انہوں نے کہا تھا کہ میڈیکل طلبہ کے لیے یکساں طور پر پہلے داخلہ امتحان کے پیچھے تصور یہ ہے کہ ہیلتھ کیئر سیکٹر میں داخل ہونے والے امکانی ڈاکٹرز اور دانتوں کے معالجین کے لیے داخلے کے موقع پر کم از کم بنیادی تعلیمی کامیابی ہو گی۔

ڈاکٹر سلطان نے واضح کیا کہ اس کی وجہ یہ ہے کہ آپ کسی کو پانچ سال سے ایک خاص شعبے میں مطالعے کے لیے تیار کررہے ہیں اور آپ کو معلوم ہونا چاہیے کہ وہ [تعلیم کے دوران] اپنے آپ کو برقرار رکھنے کے اہل ہوں گے یا نہیں۔

انہوں نے مزید کہا کہ بغیر کسی تغیر اور ایڈجسٹمنٹ کے واحد تبدیلی ملک گیر امتحان ہے اور ایم ڈی کیٹ کا سرکاری کالجوں میں پچاس فیصد وزن ہوگا۔

تاہم پورے ملک میں، خاص طور پر سندھ میں طلباء اسٹینڈرائزڈ ایم ڈی کیٹ قبول کرنے کے لیے تیار نہیں ہیں۔ تقریباً نصف خواہش مندوں نے 15 نومبر کو ہونے والے آئندہ ٹیسٹ کے لیے اپنی پری انٹری فیس ادا نہیں کی ہے کیونکہ وہ سمجھتے ہیں کہ وہ نئی گائیڈ لائنز اور نظر ثانی شدہ نصاب کے خلاف کوئی موقع نہیں رکھتے ہیں۔ طلبا کا کہنا ہے کہ پی ایم سی نے امتحان ملتوی کردیا کیوں کہ ان کے پاس نئے نصاب کی تیاری کے لیے اتنا وقت نہیں ہے جو تین ہفتوں میں تین بار اپ ڈیٹ کیا گیا تھا۔

پی ایم سی کے نئے فیصلے نے امیدواروں کو پریشانی میں ڈال دیا