محکمہ تعلیم پنجاب نے اسکولز کھولنے سے متعلق ایس او پیز تیار کر لیے

محکمہ تعلیم پنجاب نے اسکولز کھولنے سے متعلق ایس او پیز تیار کر لیے ہیں جس کے مطابق ایک کلاس میں 20 سے زائد بچے نہیں بیٹھینگے، جگہ کی کمی والے اسکولز میں مارننگ اور ایوننگ شفٹوں میں بھی کلاسز لی جائینگی۔

محکمہ تعلیم پنجاب کے مطابق ایک ڈیسک پر3 کی بجائے 2 طلبا کے بیٹھنے کی گنجائش ہوگی، بچوں کوحساب، انگریزی، سائنس کے مضامین پڑھائیں جائیں گے اور باقی مضامین کا کام گھروں پر کرنے کے لیے دیا جائے گا۔

ایس او پیز کے مطابق ہر اسکول میں بچوں کے لیے سینیٹائزر کا انتظام لازم کیا جائے گا، سینیٹائزر اسکولز اپنے بجٹ سے خریدنے کے پابند ہوں گے۔

ایس او پیز کے مطابق تمام اسکولز میں اسمبلی یا بریک نہیں ہوگی اور اسکول ہرقسم کے فنکشن کرنے سے گریز کریگا۔

محکمہ تعلیم پنجاب کا کہنا ہے کہ صبح اسکول لگنےسے پہلے تمام کلاسز میں جراثیم سے بچاو کا اسپرے لازم ہوگا۔