این سی او سی کی جانب سے سندھ کے اسکولوں کے لیے نئی پابندیاں جاری

این سی او سی کی جانب سے سندھ کے اسکولوں کے لیے نئی پابندیاں جاری

نیشنل کمانڈ اینڈ آپریشن سینٹر (این سی او سی) کی ہدایات کے مطابق سندھ حکومت نے جمعرات کو اسکولوں میں نئی پابندیوں کا اعلان کیا۔

سندھ کے محکمہ تعلیم نے مطلع کیا ہے کہ 12 سال یا اس سے زیادہ عمر کے طلباء کے لیے ویکسینیشن لازمی ہے۔

مزید پڑھئیے: اسلام آباد میں کووڈ کیسز کی وجہ سے مزید تعلیمی اداروں کو سیل کر دیا گیا

حکومت سندھ کے محکمہ اسکول ایجوکیشن اینڈ لٹریسی کی جانب سے جاری کردہ نوٹیفکیشن میں کہا گیا ہے کہ 19 جنوری 2022 کو ہونے والے این سی او سی کے اجلاس کے فیصلے کے مطابق اور مجاز اتھارٹی کی منظوری سے پورے صوبہ سندھ کے تمام سرکاری، نجی اور متعلقہ اداروں میں اس محکمے کے زیر انتظام اسکولوں میں سختی سے عمل کرنے کے لیے درج ذیل فیصلے کیے گئے ہیں۔

سندھ کے اسکولوں کے لیے نئی پابندیاں:

حکام کے مطابق 12 سال سے کم عمر کے طلباء کے لیے کڑی پابندیوں کے ساتھ کلاسز کا انعقاد جاری رہے گا اور کلاسوں میں 50 فیصد حاضری برقرار رہے گی۔

کورونا کی سخت گائیڈ لائنز کے تحت 12 سال سے زیادہ عمر کے طلباء کے لیے (مکمل ویکسینیشن) اور 100 فیصد حاضری کے ساتھ کلاسز کا انعقاد جاری رہے گا۔

مزید پڑھئیے: اسکولوں میں حاضری کی 50 فیصد شرط سمیت نئی پابندیاں عائد

یکم فروری 2022 سے، 12 سال سے زیادہ عمر کے طالب علموں کی ویکسینیشن کی ضرورت ہوگی (کم از کم ایک خوراک) طبی وجوہات کے بغیر کسی طالبِ علم کو کوئی استثناء نہیں دیا جائے گا۔ حکام کے مطابق تعلیمی اداروں میں سینٹینل ٹیسٹنگ کو یقینی بنایا جائے گا تاکہ ان اداروں کو بند کیا جا سکے جہاں کورونا کی شرح زیادہ ہے۔