بلوچستان کے اسٹوڈنٹس کے لیے اسکالرشپ کی آخری تاریخ 18 مارچ ہے، ایچ ای سی

ہائر ایجوکیشن کمیشن (ایچ ای سی) نے ایل ایل بی، ایل ایل ایم اور پی ایچ ڈی اسکالرشپس میں بلوچستان سے تعلق رکھنے والے اسٹوڈنٹس کے لیے مقامی اور غیرملکی یونیورسٹیز میں داخلے کے لیے آن لائن درخواستیں جمع کرانے کی آخری تاریخ کے طور پر18مارچ کا اعلان کیا ہے۔

سرکاری ذرائع کے مطابق بلوچستان سے آنے والے طلباء اسکالر شپس کے لیے درخواست دے سکتے ہیں تاکہ وہ اپنے مقامی ایل ایل بی، ایل ایل ایم یا غیر ملکی یونویرسٹیز میں ایل ایل ایم اور غیر ملکی پی ایچ ڈی کی تعلیم حاصل کرسکیں۔

وہ طلباء جو بلوچستان کے ڈومیسائل رکھتے ہیں اور متعلقہ زمرہ جات کے لیے اہلیت کے دیگر معیارات کو پورا کرتے ہیں، وہ درج ذیل لنک پر جا کر آن لائن درخواست دے سکتے ہیں۔

eportal.hec.gov.pk

ایچ ای سی نے بلوچستان کے طلبا کو ان اسکالر شپس کے لیے درخواست دینے کی ترغیب دی ہے اور ان کی بھرپور حوصلہ افزائی کی ہے، ان اسکالر شپس کو خاص طور پر ملک کے کم ترقی یافتہ علاقوں کے لیے متعارف کرایا گیا ہے۔

ان اسکالرشپس کا تقریباً 15 سے 20 فیصد کوئٹہ میں اگست 2016 میں ہونے والے دھماکے کے متاثرین کے اہل خانہ اور بچوں کے لیے مختص کیا گیا ہے۔