پنجاب کے 13 اضلاع میں پہلی سے آٹھویں جماعت تک کلاسز عید تک بند رہیں گی: مراد راس

پنجاب کے 13 اضلاع میں پہلی سے آٹھویں جماعت تک کلاسز عید تک بند رہیں گی: مراد راس

وزیر تعلیم پنجاب ڈاکٹر مراد راس نے اعلان کیا ہے کہ کورونا وائرس کے بڑھتے ہوئے کیسز کے دوران صوبے کے 13 اضلاع میں عید تک تمام سرکاری و نجی تعلیمی اداروں میں گریڈ ایک سے آٹھ تک عید تک کلاسز بند رہیں گی۔

ان اضلاع میں لاہور، راولپنڈی، گجرات، گوجرانوالہ، ملتان، بہاولپور، سیالکوٹ، سرگودھا، فیصل آباد، ٹوبہ ٹیک سنگھ، رحیم یار خان ، ڈی جی خان اور شیخوپورہ شامل ہیں۔

وزیر تعلیم نے مزید کہا کہ 2 ہفتوں میں اس فیصلے پر نظر ثانی کی جائے گی۔

مراد راس نے مزید اعلان کیا کہ مذکورہ بالا 13 اضلاع میں 19 اپریل سے نویں جماعت سے بارھویں تک کی تعلیمی سرگرمیاں صرف پیر اور جمعرات کو ہی جاری رہیں گی۔

انہوں نے مزید کہا کہ پنجاب میں شیڈول کے مطابق کلاس 9 سے 12 اور او اور اے لیول کے تمام امتحانات شیڈول کے مطابق ہوں گے۔

اس سے قبل ، حکومت نے کورونا وائرس سے سب سے زیادہ متاثرہ اضلاع میں 28 اپریل تک کی کلاس اول سے ہشتم تک کو بند رکھنے کا فیصلہ کیا تھا، وفاقی وزیر تعلیم شفقت محمود نے منگل کے روز صوبائی وزرائے صحت و تعلیم کے اجلاس کی صدارت کرنے کے بعد یہ اعلان کیا تھا۔

وزیر تعلیم نے میڈیا کو بتایا کہ نویں سے بارہویں جماعت کی کلاسیں 19 اپریل سے دوبارہ شروع ہوں گی ، یہاں تک کہ انتہائی متاثرہ اضلاع میں بھی احتیاطی تدابیر اور ایس او پیز پر سختی سے عمل کیا جائے گا جبکہ بورڈ کے امتحانات مئی کے تیسرے ہفتے سے ہوں گے۔

انہوں نے کہا کہ یہ کلاسز آن لائن ہوسکتی ہیں لیکن تعلیمی سیشنز کے دوران طلباء کی جسمانی موجودگی نہیں ہوگی۔ یہ فیصلہ کرنا صوبوں کی صوابدید ہے کہ ان کے کون سے اضلاع سب سے زیادہ متاثر ہیں اور انہیں کن علاقوں میں سخت اقدامات کی ضرورت ہے۔

یہ فیصلے نیشنل کمانڈ اینڈ آپریشن سینٹر (این سی او سی) کے اجلاس میں کیے گئے۔ شفقت محمود نے کہا کہ اس وبائی بیماری کے خلاف حکومت کی متحد کاوشیں جاری ہیں۔ این سی او سی 28 اپریل کو صورتحال کا مزید جائزہ لے گا۔