کورونا وائرس: یو ایچ ایس لاہور کی بندش میں 11 اپریل تک توسیع کردی گئی

کورونا وائرس: یو ایچ ایس لاہور کی بندش میں 11 اپریل تک توسیع کردی گئی

لاہور میں یونیورسٹی آف ہیلتھ سائنسز کی انتظامیہ نے یونیورسٹی کو دوبارہ کھولنے کی تاریخ میں 29 مارچ سے 11 اپریل تک توسیع کردی ہے کیونکہ شہر میں کورونا وائرس کے کیسز میں تیزی سے اضافہ ہورہا ہے۔

اتوار کو جاری کردہ ایک نوٹیفکیشن میں انتظامیہ نے بتایا ہے کہ اس مدت کے لیے منصوبہ بندی کے مطابق تمام تعلیمی سرگرمیوں کو آن لائن موڈ کے ذریعے جاری رکھا جائے گا۔

مزید پڑھیں:  نجی اسکول زیادہ عرصے کی بندش برداشت نہیں کرسکتے، اے پی پی ایس سی اے

نوٹیفکیشن میں مزید کہا گیا ہے کہ اس فیصلے کا اطلاق تمام حلقہ بندیوں اور وابستہ کالجوں پر ہوگا۔

نوٹیفیکیشن میں کہا گیا ہے کہ یونیورسٹی کے تمام امتحانات مطلع شدہ شیڈول کے مطابق آگے بڑھائے جائیں گے۔

یہ نوٹیفکیشن پنجاب یونیورسٹی کے اس اعلان کے دو دن بعد سامنے آیا ہے جس میں بتایا گیا تھا کہ اس نے کیمپس کے امتحانات ملتوی کردیئے ہیں جو اپریل میں شروع ہونے تھے۔ یونیورسٹی آف پنجاب کے مطابق سالانہ امتحانات یکم اور 15 اپریل کو شروع ہونے تھے۔

مزید پڑھیں:  پنجاب میں 55 دنوں میں ’میرا اسکول ڈرائیو‘ کے تحت 300،000 سے زائد طلباء کا اندراج

یونیورسٹی کے بیان کے مطابق تمام اسٹوڈنٹس اور تدریسی عملے کو مطلع کیا گیا ہے کہ آرٹس اینڈ سائنس پارٹ 2 اور پارٹ 1 بی اے میں ایسوسی ایٹ ڈگری کے آف کیمپس امتحانات، سماعت سے محروم اور بی اے ، بی ایس سی کی اسپیشل کٹیگری جس میں ڈاکٹر، نرس، فاضل، وفاق المدارس اور اضافی مضامین شامل ہیں ملتوی کردیے گئے ہیں۔

 تاہم ، یونیورسٹی نے تصدیق کی ہے کہ نئی تاریخ کا اعلان امتحانات سے دو ہفتے قبل ہوگا۔