بی آئی ایس ای کا طلباء کے لیے میرٹ اسکالرشپس کا اعلان

اطلاعات کے مطابق بورڈ آف انٹرمیڈیٹ اینڈ سیکنڈری ایجوکیشن (بی آئی ایس ای) لاہور نے جمعے کے روز انٹرمیڈیٹ کے امتحانات میں اچھے گریڈ کے ساتھ پاس ہونے والے طلباء کے لیے سالانہ وظائف (اسکالرشپس) کا اعلان کیا ہے۔

بی آئی ایس ای کے ترجمان کے مطابق نیشنل ٹیلنٹ اسکالرشپس طلبا کو تعلیم کی روایتی ترقی کے لیے دی جاتی ہیں۔

یہ گرانٹس ہر گروپ میں کامیاب امیدواروں کو دی جائیں گی۔ اس سلسلے میں طلباء کے لیے پری میڈیکل گروپ کا میرٹ 1058، پری انجینئرنگ کا 1044، جنرل سائنس کا 994، کامرس کا 960 اور آرٹس اور دیگر گروپس کے لئے میرٹ 903 قرار دیا گیا ہے۔