سندھ حکومت کا تمام تعلیمی ادارے بند کرنے کا اعلان

بذریعہ ٹیم سی جی
|
اپریل 26, 2021
|

سندھ حکومت کا تمام تعلیمی ادارے بند کرنے کا اعلان

کراچی: سندھ حکومت کا صوبے بھر کے تمام جامعات، کالجز اور تمام اسکولز بند کرنے کا اعلان کردیا۔

ایکسپریس نیوزکے مطابق وزیر اعلی سندھ مراد علی شاہ کی زیر صدارت کرونا ٹاسک فورس اجلاس ہوا، جس میں فیصلہ کیا گیا کہ اسکول، کالجز اور دیگر تعلیمی ادارے بند کئے جائیں۔

دوسری جانب ترجمان سندھ حکومت بیرسٹر مرتضیٰ وہاب نے سماجی رابطے کی ویب سائٹ ٹویٹر پر اعلان کیا کہ کورونا کیسز کی بڑھتی ہوئی شرح کے باعث تمام اسکول، کالجز اور یونیورسٹیوں کو بند کیا جارہا ہے۔

سندھ حکومت کا تمام تعلیمی ادارے بند کرنے کا اعلان

ترجمان سندھ حکومت نے کہا کہ تمام تعلیمی اداروں کو تاحکم ثانی بند کیا جارہاہے، کاش لوگ ایس او پیز پر عمل پیرا ہوتے اور ماسک پہن لیتے، اس وقت صورتحال انتہائی تشویش ناک ہے، اور اگر عوام ذمہ داری کا مظاہرہ نہیں کرتے تو حکومت کے پاس سخت فیصلے کرنے کے سوا کوئی دوسرا آپشن نہیں ہوگا۔