پاکستانی ایڈٹیک اسٹارٹ اپ نے پری سیڈ فنڈنگ حاصل کرلی

مقصد نامی ایک پاکستانی ایڈٹیک اسٹارٹ اپ نے انڈس ویلی کیپیٹل کے زیر انتظام پری سیڈ فنڈنگ راؤنڈ میں 2.1 ملین ڈالر اکٹھے کرلیے ہیں تاہم اس اسٹارٹ اپ نے آلٹر گلوبل، فاطمہ گوبی وینچرز میں اور پاکستان اور مشرق وسطیٰ سے تعلق رکھنے والے کئی اسٹارٹ اپ شروع کرنے والوں کے طور پر بھی حصہ لیا۔

کمپنی کی جانب سے جاری پریس کردہ ریلیز میں کہا گیا ہے کہ اس ایپلی کیشن کا مقصد 100 ملین پاکستانی طلباء کو اضافی تعلیمی مدد کے لیے موبائل اونلی پلیٹ فارم فراہم کرنا ہے۔

مزید پڑھئے: شہرام ترکئی کا اسکول ریگولیٹری اتھارٹی پر عدم اطمینان

مقصد ایک تخلیقی آئیڈیا ہے، جسے بچپن کے دو دوستوں طحہ احمد اور روشن عزیز نے وضع کیا ہے، اس خیال کا مقصد اردو اور انگریزی زبان میں تعلیمی مواد فراہم کرنا ہے جو اعلیٰ معیار کے مقامی سطح کےتعلیمی مواد کی کمی کو پورا کرے گا۔

کمپنی کا کہنا ہے کہ ایپلی کیشن کو کوئز اور دیگر گیمنگ فیچرز کے ذریعے مزید بڑھایا جائے گا جو ایک سطح پر مل کر سیکھنے کا تجربہ فراہم کرے گا۔

اس اسٹارٹ اپ کے دونوں شریک بانیوں کے مطابق، اس ایپلی کیشن کا مقصد طالب علموں کے لیے صرف اپنا امتحان پاس کرنا نہیں ہے بلکہ اس اسٹارٹ اپ کا مقصد پاکستان میں سیکھنے کے نظام میں انقلاب لانا ہے اور رٹا مارنے کے بجائے طالب علموں کو حقیقی فہم کی جگہ پر منتقل کرنا ہے۔

مزید پڑھئے: سندھ میں ایجوکیشن ریفارم باڈی قائم کی جائے، ایس ایچ سی

اس اسٹارٹ اپ کے شریک بانی روشن عزیز کے مطابق یہ خیال وبائی مرض کے ابتدائی دنوں میں سامنے آیا تھا جس کے بعد وہ پائلٹ پروگرام بنانے کی طرف بڑھے۔

انہوں نے کہا کہ فیڈ بیک امید افزا تھا اور اس ایپلی کیشن کو مارکیٹ کرنے کے امکانات بہت واضح تھے۔

مقصد ٹیم کا کہنا ہے کہ ان کی حکمت عملی کے مطابق ایک اعلیٰ ترقی کے ماحول کو پروان چڑھانا ہے جو باصلاحیت طلبہ کو عالمی معیار کی پروڈکشن کے لیے آگے لائے۔

اس ایپلی کیشن کے بانیوں نے کہا ہے کہ مقصد ایپلی کیشن کو رواں سال کے آخر میں لانچ کیا جائے گا۔