پرائیویٹ اسکولز ایسوسی ایشن کا 11 جنوری سے اسکول کھولنے کا اعلان

آل پاکستان پرایئویٹ اسکول نے پیر کے روز اعلان میں کہا کہ تمام نجی تعلیمی ادارے 11 جنوری سے کھول دئیے جایئں گے۔

فیڈریشن کی جانب سے یہ فیصلہ حکومتی فیصلے کہ چند گھنٹوں بعد سامنے آیا جس میں آل صوبائی وزرا تعلیم کی مشاورتی اجلاس میں 18 جنوری سے اسکولوں کو مرحلہ وار کھولنے کا فیصلہ کیا گیا تھا۔

اسلام آباد میں ایک پریس کانفرنس سے خطاب کرتے ہوے پرایئویٹ اسکول فیڈریشن کہ صدر کاشف مرزا نے کہا کہ کرونا وائرس کی دوسری لہر ملک میں آئی نہیں بلکہ لائی گئی ہے۔

انہوں نے کہا کہ اپوزیشن کی جانب سے بڑے بڑے اجتماعات کیے گئے جس کی وجہ سے پورے ملک میں وائرس پھیلنے کی شرح بڑھی۔ انکا کہنا تھا کہ کسی بھی ملک میں پورا لاک ڈاون نہیں کیا گیا بلکہ اسمارٹ لاک ڈاون کی زریعے وائرس کو کنٹرول کیا گیا۔

انہوں نے یہ بھی کہا کہ سارا سال یکساں تعلیمی نصاب کہ چکر میں طلبا کا بہت قیمتی وقت ضایع ہوا۔ انکا یہ بھی کہنا تھا کہ تعلیمی ادارے اس لیے بند کیے گئے کیونکہ حکومت کہ پاس اب تک نئے تعلیمی نصاب کی کتابیں موجود نہیں۔

انہوں نے شکوہ کیا کہ 70 ملین اساتذہ لاک ڈاون کی وجہ سے اپنی نوکریوں سے ہاتھ دھو چکے ہیں۔ انہوں نے اعلان کیا کہ اسکول11 جنوری کو کھول دئیے جائیں گے جسکے بعد کالج اور یونیورسٹیز بھی کھول دی جائیں گی۔

انہوں نے کیا کہ آن لائن تعلیم صرف ایک دھوکا ہے اور اگر اسکول کھولنے کی مخالفت یا اس ضمن میں گرفتاریاں کی گئیں تو اسلام آباد تک لانگ مارچ کرینگے۔

اے پی پی ایس ایف کہ صدر پرویز ہارون نے یہ بھی کہا کہ نیا تعلیمی سال اپریل میں اور امتحانات مارچ میں ہی لیئے جائیں گے۔