سندھ میں مزدوروں کو مفت تعلیم اور گرانٹ دینے کے لیے بے نظیر بھٹو مزدور کارڈز کا اعلان

حکومت سندھ نے صوبے میں ہزاروں مزدوروں کے لیے بے نظیر بھٹو مزدور کارڈز کا اعلان کیا ہے جس کی مدد سے وہ مفت صحت کی سہولیات کے علاوہ مفت تعلیم اور گرانٹ حاصل کرسکیں گے۔

اطلاعات کے مطابق صوبائی حکومت نے پروگرام کے ابتدائی مرحلے میں صنعتی مزدوروں کو 650،000 صحت کارڈز تقسیم کرنے کا اعلان کیا ہے۔ تاہم اس تقسیم کو پچاس لاکھ مزدوروں تک بڑھایا جائے گا۔

کارڈ ہولڈر اور ان کے اہل خانہ صوبے کے تمام سرکاری انتظام سے چلنے والے اسپتالوں میں تعلیم کے فوائد اور گرانٹ کے ساتھ ساتھ مفت اور سبسڈی والے علاج کی سہولیات حاصل کرسکیں گے۔

کارڈز کی تقسیم کے اس معاہدے پر گذشتہ سال سندھ ملازمین کی سوشل سیکیورٹی انسٹی ٹیوشن (ایس ای ایس ایس آئی) اور نیشنل ڈیٹا بیس اینڈ رجسٹریشن اتھارٹی (نادرا) کے درمیان دستخط کیے گئے تھے۔

مزدور کارڈز کا مقصد محکمہ لیبر میں ہونے والی بدعنوانی کو روکنا اور صوبے میں زیادہ سے زیادہ لوگوں کو امداد فراہم کرنا ہے۔ صوبائی حکومت کا کہنا ہے کہ یہ جدید اور بے عیب کارڈز نادرا کے ذریعے جاری کیے جائیں گے جو رجسٹرڈ مزدوروں اور ان کے اہل خانہ کا ڈیٹا برقرار رکھیں گے۔