بلوچستان میں بھی پہلی تا آٹھویں کلاسز عید تک بند رکھنے کا فیصلہ

بذریعہ ٹیم سی جی
|
اپریل 19, 2021
|

بلوچستان میں بھی پہلی تا آٹھویں کلاسز عید تک بند رکھنے کا فیصلہ

کوئٹہ: بلوچستان حکومت نے 19 اپریل تا عیدالفطر پہلی سے آٹھویں جماعت تک تدریس بند کرنے اور نویں تا بارہویں جماعتوں کے لیے اسکول کھولنے کے وفاقی حکومت کے فیصلے کی حمایت کردی۔

ایکسپریس نیوز کے مطابق وفاقی حکومت نے پہلی سے آٹھویں جماعتوں تک اسکولز عید تک بند رکھنے اور نویں جماعت سے 12 ویں تک تعلیمی ادارے کل سے سخت کورونا ایس او پیز کے ساتھ کھولنے کا فیصلہ کیا ہے۔ جس کے بعد بلوچستان حکومت نے بھی اس فیصلے پر عملد رآمد کرنے کا اعلان کیا ہے۔

صوبائی وزیر تعلیم سرداریار محمد رند نے کہا ہے کہ فیصلہ وفاقی حکومت کی مشاورت کے بعد کیا گیا ہے، پہلی تا آٹھویں کلاسز عید تک بند رہیں گی جبکہ نویں سے بارہویں جماعت تک تعلیمی اداروں کو کورونا ایس او پیز کے ساتھ کھولنے کا فیصلہ کیا گیا ہے۔