علامہ اقبال اوپن یونیورسٹی نے بی اے، بی ایس سی کے امتحانات ملتوی کردیے

بذریعہ ٹیم سی جی
|
نومبر 17, 2020
|

علامہ اقبال اوپن یونیورسٹی نے بی اے، بی ایس سی کے امتحانات ملتوی کردیے

اسلام آباد: علامہ اقبال اوپن یونیورسٹی کی انتظامیہ نے بعض انتظامی وجوہات کی بناء پر گزشتہ روز سے منعقد ہونے والے بی اے، بی ایس، ایم اے، ایم ایس سی، بی ایڈ اور ایم ایڈ پروگراموں کے مختلف مضامین کے امتحانات راولپنڈی اور اسلام آباد ریجن کے تمام علاقوں میں ملتوی کر دیے۔

اس فیصلے کا اطلاق ملک کے دیگر علاقوں پر نہیں ہو گا۔ کنٹرولر امتحانات کی جانب سے جاری ہونے والے نوٹیفیکشن کے مطابق ملتوی ہونے والے امتحانات کی نئی تاریخ کا اعلان بعد میں کیا جائیگا۔ یونیورسٹی نے چند انتظامی معاملات کی بناء پر امتحانی سینٹر نمبر 177، تنویر حسین شہید ماڈل کالج سے آذان خان شہید ماڈل اسکول میں میں منتقل کر دیا ہے۔

رول نمبر سلیپس طلبہ کو ارسال کی جارہی ہیں جبکہ پہلے سے جاری رول نمبر سیپلس بھی نئے امتحانی مراکز میں امتحانات میں شامل ہونے کے لیے قابل قبول ہونگی۔