ایڈ ٹیک اسٹارٹ اپ انویکٹ میٹا ورسٹی نے 33 ملین ڈالر کے فنڈز جمع کرلیے

انویکٹ میٹاورسٹی ایک تھری ڈی انٹر ایکٹو ورچوئل لرننگ پلیٹ فارم ہے جو ہر فرد کے لیے زیادہ سے زیادہ اور عملی طور پر انٹرایکٹو انداز میں سیکھنے کے تجربات پیدا کر رہا ہے، اور وہ چاہے جہیاں بھی ہوں انہیں انتہائی مناسب قیمت پر فراہم کیا جاتا ہے۔

اس کی بنیاد بھارت میں ٹوئٹر کے سابق سربراہ منیش مہیشوری اور مائیکرو سافٹ کے سابق ایگزیکٹو تانئے پرتاپ نے رکھی تھی۔

یہ پلیٹ فارم طلباء اور اساتذہ کے درمیان رابطے کو متحرک کرداروں کے ذریعے موثر بناتا ہے۔

انویکٹ میٹاورسٹی نے 70 سے زیادہ عالمی کاروباری رہنماؤں اور یونیکورن فائونڈرز

سے 33 ملین کے فنڈز اکٹھے کیے ہیں۔

کشور بیانی (فیوچر گروپ)، ٹی وی موہن داس پائی (منیپال گلوبل ایجوکیشن)، کرتھیگا ریڈی (سابق فیس بک انڈیا چیف) اور ڈاکٹر رتیش ملک نے چند دیگر لوگوں کے ساتھ فنڈنگ راؤنڈ میں حصہ لیا۔

منیش مہیشوری نے اس موقع پر کہا کہ کورونا کے وبائی مرض نے لوگوں کو بالکل ایک نیا تجربہ دیا، زوم جیسے اہم ڈیجیٹل ٹول نے بھی لوگوں کو ایک محدود اور اسکرپٹڈ تجربہ فراہم کیا۔ ان کا کہنا تھا کہ کورونا کے باعث انسانی زندگی کا سماجی پہلو متاثر ہوا اور ٹیکنالوجی کے فروغ اور نیٹ ورک کے زیادہ وسیع ہونے کے ساتھ، دنیا ایک زیادہ گہرے تجربے سے گزرتے ہوئے میٹاورس کے لیے تیاری کر رہی ہے۔

انہوں نے کہا کہ تبدیلی کی بنیاد تعلیم رکھی گئی ہے کیونکہ یہ سب سے زیادہ زیرِ خدمت شعبوں میں سے ایک ہے