کورونا میں مبتلا اسٹوڈنٹس کے لیے ایم ڈی کیٹ کے خصوصی امتحان کا اعلان

میڈیکل اینڈ ڈینٹل کونسل نے کورونا وائرس کا شکار ہونے والے طلبہ کے لیے خصوصی امتحان کا اعلان کیا ہے۔

امتحانات کے لیے اندراج شدہ کسی بھی امیدوار جس کا 15 نومبر سے 29 نومبر کے درمیان کورونا کا ٹیسٹ مثبت آیا ہے اسے 13 دسمبر 2020 کو ایم ڈی کیٹ کا خصوصی امتحان دینے کی اجازت ہوگی۔

طلباء کو خصوصی امتحان میں حصہ لینے کے لیے اپنے کورونا ٹیسٹ کے نتائج کو اس لنک

nts.org.pk/PMC.

پر اپ لوڈ کرنا ہوگا۔ جس کے بعد کورونا کی مثبت رپورٹس کے ساتھ آنے والے درخواست دہندگان کا تیرہ دسمبر کو ہونے والے ایم ڈی کیٹ کے خصو صی امتحان میں براہ راست اندراج کیا جائے گا۔

درخواست گزار 26 نومبر سے 29 نومبر تک دیئے گئے لنک پر اپنے کورونا ٹیسٹ کے نتائج اپ لوڈ کرسکیں گے۔

کورونا میں مبتلا اسٹوڈنٹس کے لیے ایم ڈی کیٹ کے خصوصی امتحان کا اعلان

ایم ڈی کیٹ کے خصوصی امتحانات کا انفرااسٹرکچر 29 نومبر کو ہونے والے اسٹینڈرڈ امتحان کی طرح ہی ہوگا۔ جبکہ جن طلبا نے اندراج کیا ہے وہی اپنے پاس تفویض کردہ رول نمبر استعمال کرسکیں گے۔ تاہم امتحانی مراکز کی جانب سے نامزد کردہ تازہ سلپس ڈاؤن لوڈ کرنے کی ضرورت ہوگی۔

این ٹی ایس درخواست دہندگان کو ایس ایم ایس کے ذریعے مطلع کرے گا جہاں وہ خصوصی امتحان کے لیے اپنی سلپ ڈاؤن لوڈ کرسکتے ہیں۔