سینئر اساتذہ کالج پرنسپل بننے کو تیار نہیں

سینئر اساتذہ کالج پرنسپل بننے کو تیار نہیں

  پرنسپل کے عہدے کے لیے 15 ایسوسی ایٹ پروفیسرز کو بائیوڈیٹا پیش کرنے کو کہا گیا ہے

فیڈرل ڈائریکٹوریٹ آف ایجوکیشن کے تحت چلنے والے تعلیمی اداروں میں پرنسپلز کا عہدہ کبھی سینئر ایسوسی ایٹ پروفیسرز کے لیے ایک انتہائی پرکشش عہدہ اور پیشہ ورانہ خواب سمجھا جاتا تھا۔ مگر متعلقہ حکام کے رویے، کام کا زیادہ بوجھ اور مالی فوائد کی کمی کی وجہ سے اب ایسا نہیں ہے۔

اپنے کیریئر میں سبقت حاصل کرنا ہر پیشہ ور شخص کا خواب ہوتا ہے لیکن ایک حقیقی معلم خالص انتظام اور بیوروکریٹک مسائل میں الجھنا پسند نہیں کرتا۔

مزید پڑھیے: اسکول کھلتے ہی کتابوں اور اسٹیشنری کی دکانوں پر رش

یہ ایف ڈی ای کے ماتحت چلنے والے مختلف اسکولوں میں پرنسپل بننے کے لیے اساتذہ کی ہچکچاہٹ سے صاف ظاہر ہوتا ہے۔  

ایک عہدیدار کے مطابق، ایف ڈی ای پیر سے ایف جی کالج آف کامرس کے پرنسپل کی تقرری کے لیے انٹرویوز کا آغاز کرے گا۔ اس سلسلے میں پندرہ ایسوسی ایٹ پروفیسرز سے کہا گیا ہے کہ وہ انتخابی عمل کے لیے اپنا بائیوڈیٹا پیش کریں۔ تاہم، ان میں سے اساتذہ کی اکثریت پرنسپل بننے میں دلچسپی نہیں رکھتی، اس طرح وہ ایف ڈی ای کی ہدایت کو مکمل کرنے سے گریزاں تھے۔

انہوں نے ایسا نہ کرنے کی کئی وجوہات بتائی ہیں جیسے متعلقہ حکام کا متکبرانہ رویہ، مضحکہ خیز کام اور غیر معقول توقعات، کام کا بے پناہ بوجھ اور کچھ کالجوں میں عملے کی کمی اہم عوامل ہیں۔
مزید پڑھیے: سندھ : 6 ستمبر سے اسکولوں اور کالجوں میں کورونا ویکسین مہم شروع ہوگی

ایک ایسوسی ایٹ پروفیسر نے نام ظاہر نہ کرنے کی شرط پر کہا کہ حکام کا رویہ ہمیشہ غیر مہذب ہوتا ہے۔ ان کا کنا تھا کہ اگر میں پرنسپل مقرر ہوتا ہوں تو میرے گریڈ میں کوئی تبدیلی نہیں ہوگی۔ اس لیے یہ سیدھی سی بات ہے کہ جب کوئی مالی فائدہ نہیں ہے تو میں اس پوسٹ کو قبول کرکے پریشانی کو کیوں دعوت دوں؟

ان کا کہنا تھا کہ پرنسپل بننے کا مطلب انتظامی ذمہ داریوں میں اضافہ ہوگا اور مجھے تدریس سے دور کرے گا، جس کے بارے میں میں پرجوش ہوں۔

انہوں نے مزید کہا کہ ایف ڈی ای حکام احمقانہ احکامات دیتے ہیں جیسے لائبریری کو ایک کمرے سے دوسرے کمرے میں منتقل کرنا یا طلباء کے امتحانی سیل کو ختم کرنا وغیرہ۔

ایک اور ایسوسی ایٹ پروفیسر نے کہا کہ اس سلسلے میں کوئی پیشہ ورانہ شائستگی نہیں ہے۔ ایف ڈی ای میں ایک سے زیادہ مالک ہیں جن کو ایک پرنسپل کو ایک ہی وقت میں جواب دینا ہوتا ہے۔

انہوں نے اس امر پر افسوس کا اظہار کیا کہ فوری مالک، ڈائریکٹر یا ایریا ایجوکیشن آفیسر کون ہے؟ کسی بھی پرنسپل کو اتظامی درجہ بندی کی سمجھ نہیں ہے۔ انہوں نے مزید کہا کہ ایک خاتون پرنسپل نے ایف ڈی ای کی طرف سے احترام کی کمی کی وجہ سے رضاکارانہ طور پر قبل از وقت ریٹائرمنٹ مانگی۔

ایک اور ایسوسی ایٹ پروفیسر نے کہا کہ کامرس کالج کے پرنسپل کی ریٹائرمنٹ کے بعد پرنسپل کے ایک عہدے کے لیے، یہ توہین آمیز ہے کہ 15 ایسوسی ایٹ پروفیسروں کو انٹرویو کے لیے بلایا گیا ہے اور اکثر جونیئرز کو سینئر ایجوکیٹرز کی جگہ مقرر کیا جاتا ہے۔

کسی دوسرے ڈیپارٹمنٹ میں ایسے انٹرویوز نہیں ہوتے۔ کسی سیکریٹری، ایڈیشنل سیکریٹری، جوائنٹ سیکریٹری اور ڈپٹی سیکریٹری کو ان کے فرائض تفویض کرتے وقت انٹرویو نہیں لیا جاتا۔

فیڈرل گورنمنٹ کالج ٹیچرز ایسوسی ایشن کے نمائندے نے مطالبہ کیا ہے کہ اس غیر منطقی پالیسی اور من مانے انداز کے انتظام کو ایک ٹھوس اور منطقی شکل دی جائے۔

(یہ خبر ایکسپریس ٹریبیون کی 30 اگست 2021 کی اشاعت سے اخذ کی گئی ہے)