پنجاب میں نیا تعلیمی سال یکم اگست سے شروع ہوگا، مراد راس

پنجاب میں نیا تعلیمی سال یکم اگست سے شروع ہوگا، مراد راس

پنجاب کے وزیر تعلیم مراد راس نے پیر کے روز اعلان کیا کہ پنجاب بھر میں تعلیمی سال یکم اگست 2021 سے شروع ہوگا اور 31 مارچ، 2022 کو اختتام پذیر ہوگا۔

اپنے ٹوئٹر اکاؤنٹ کے ذریعے پوسٹ کرتے ہوئے، صوبائی وزیر نے اس حوالے سے ایک سرکاری نوٹیفکیشن آویزاں کیا۔

نوٹیفکیشن میں کہا گیا ہے کہ یہ فیصلہ 26 فروری 2021 کو بین الصوبائی وزرائے تعلیم کانفرنس (آئی پی ای ایم سی) کے دوران کیا گیا تھا۔

گذشتہ ہفتے صوبائی وزیر نے ان اضلاع کی ایک فہرست جاری کی تھی جہاں بڑھتے ہوئے کورونا وائرس کے کیسز کی وجہ سے یکم اپریل تک ہائبرڈ اصول پر عمل کرنے کی ضرورت ہے۔

صوبائی وزیر نے ٹوئٹر پر لکھا تھا کہ اس فہرست میں شامل اضلاع کورونا وائرس کے اولین شیڈول کی پیروی کریں گے۔

نوٹیفکیشن میں لکھا گیا ہے کہ جن اضلاع میں کورونا وائرس کے کیسز زیادہ ہیں اور پچھلے 24 گھنٹوں میں 20 سے زیادہ کیس رپورٹ ہوئے ہیں وہاں ان قوانین کی پابندی ہوگی۔

جن اضلاع کو اس فہرست میں شامل کیا گیا ہے ان میں لاہور، گجرات، ملتان، رحیم یار خان، سیالکوٹ، راولپنڈی اور فیصل آباد شامل ہیں۔

موجودہ فیصلے کے مطابق تمام تعلیمی اداروں کے طلبہ کسی بھی کام کے دن میں 50 فیصد تناسب کے ساتھ متبادل دن پر کلاسوں میں شرکت کریں گے جیسا کہ 12 ستمبر 2020 کو جاری کردہ پہلے والے خط میں تفصیل سے بتایا گیا ہے۔ اس فیصلے کے مطابق تمام تعلیمی اداروں کے طلباء کو ہفتے میں 5 سے 6 دن کلاس میں جانے کی اجازت ہے سوائے مذکورہ اضلاع کے۔ نوٹیفکیشن میں کہا گیا ہے کہ 31 مارچ کو اس ترمیم کا جائزہ لیا جائے گا۔