پبلک یونیورسٹیوں کی فیکلٹی کے لیے ایچ ای سی کا اسکالرشپس کا اعلان

ہائر ایجوکیشن کمیشن نے پاکستانی یونیورسٹیوں کے بیچ (بیچ تھری) کے لیے فیکلٹی ڈیولپمنٹ پروگرام کے لیے اسکالرشپس کا اعلان کیا ہے۔

تفصیلات کے مطابق اسکالرشپ پروگرام، پبلک سیکٹر یونیورسٹیوں اور ڈگری دینے والے اداروں کے فیکلٹی ممبران کو ایچ ای سی کی تسلیم شدہ پاکستانی یونیورسٹیوں میں داخلہ لینے کا موقع فراہم کرے گا۔

مزید پڑھئے: ایچ ای سی کا دنیا کی اعلیٰ ترین یونیورسٹیز کے لیے ایم ایس، پی ایچ ڈی اسکالرشپس کا اعلان

ڈگری دینے والے ادارے جن کا دنیا کی نامور یونیورسٹیوں کے ساتھ بین الاقوامی تعاون ہونا چاہیے، ان کے فیکلٹی ممبران کو زیادہ سے زیادہ 4 سال کی مدت کے لیے اسکالرشپس دی جائیں گی جن میں بیرون ملک گزارے جانے والے 12 ماہ بھی شامل ہیں۔

درخواست گزار 3 نومبر 2021 تک ایچ ای سی کے ای پورٹل پر درخواست دے سکتے ہیں۔ انہیں اصل ڈپازٹ سلپ کی ایک کاپی ضرور اپنے پاس رکھنی چاہیے کیونکہ ہارڈ کاپی بعد کے مرحلے میں درکار ہوگی۔

امیدوار صرف پاکستانی/آزاد جموں وکشمیر کے شہری ہونے چاہئیں اور آخری تاریخ تک ان کی زیادہ سے زیادہ عمر 45 سال ہونی چاہیے۔

ان کے پاس پی ایچ ڈی میں داخلہ کے لیے ایم ایس/ ایم فل/ مساوی ڈگری کے ساتھ متعلقہ فیلڈ میں کم از کم 18 سال کی تعلیم ہونی چاہیے۔

مزید پڑھئے: ایچ ای سی کا انڈرگریجویٹ اسکالر شپس کا اعلان

اس کے علاوہ ، امیدواروں کو ایچ ای سی کی تسلیم شدہ یونیورسٹیوں/اداروں میں کم از کم دو سال کا تدریسی تجربہ ہونا چاہیے، آخری ڈگری میں 4.0 میں سے پہلی ڈویژن یا کم از کم سی جی پی اے 3.0 اور پورے تعلیمی کیریئر میں کوئی تھرڈ ڈویژن یا ڈی گریڈ نہیں ہونا چاہیے۔

وہ امیدوار جو پہلے ہی پی ایچ ڈی میں رجسٹرڈ ہیں۔ یا ایچ ای سی/حکومت/یونیورسٹی یا کوئی دوسری اسکالرشپ حاصل کر رہے ہیں یا کسی اور ادارے میں اور وزٹ کر رہے ہیں، اور اسسٹنٹ فیکلٹی درخواست دینے کے اہل نہیں ہیں۔