سرور نے وائس چانسلرز کے اختیارات کو محدود کرنے کے فیصلے کو مسترد کردیا

گورنر پنجاب چودھری محمد سرور نے جامعات کے وائس چانسلرز کے اختیارات کو محدود کرنے سے متعلق فیصلے کو مسترد کردیا ، یہ فیصلہ ہائیر ایجوکیشن کمیشن کی جانب سے یونیورسٹیز کے لیے 60 صفحات پر مشتمل دستاویز کا ایک حصہ ہے۔

اطلاعات کے مطابق ، ہائر ایجوکیشن کمیشن نے وائس چانسلرز کے اختیارات کو محدود کرنے کا فیصلہ کرتے ہوئے چودھری سرور کو بورڈ پر نہیں لیا ، جبکہ مختلف یونیورسٹیز کے وائس چانسلرز نے اس معاملے کے خلاف وزیر تعلیم شفقت محمود کو شکایات درج کی ہیں۔

گور نر پنجاب کے شدید تحفظات کے بعد اب حکومت نے اس معاملے پر کسی بھی قسم کی قانون سازی کو موخر کر دیا اوراب نیا فیصلہ گورنر پنجاب اور تمام وائس چانسلرز کے باہمی مشورے کے بعد ہی لیا جائے گا۔