ریڈیو پاکستان کا تدریسی نشریات کا آغاز

راولپنڈی: پنجاب بھر کے طلبا و طالبات کے لئے باقاعدہ ریڈیو نشریات کا آغاز کر دیا گیا ہے، پہلی سے پانچویں جماعت کے تعلیمی پروگرام روزانہ کی بنیاد پر ریڈیو اسٹیشن سے نشر کیے جائیں گے۔

نرسری سےتیسری جماعت کے بچوں کیلئے صبح دس سے گیارہ بجے تدریسی نشریات پیش کی جائیں گی، چوتھی اور پانچویں جماعت کیلئے صبح گیارہ سے بارہ بجے نشریات آن ائیر ہوں گی، پہلی سے تیسری جماعت کی نشریات دو سے تین بجے دوبارہ نشر ہونگی جبکہ چوتھی سے پانچویں جماعت کی نشریات تین سے چار بجے تک دوبارہ نشر کی جائینگی۔

وزارت تعلیم پنجاب اور ریڈیو انتظامیہ کے مطابق لاہور، راولپنڈی، اسلام آباد اور کراچی میں ایف ایم 94 پر طلبہ نشریات سن سکیں گے اور ملتان، حیدرآباد، کوئٹہ، کوہاٹ، میر پور، خیر پور، بہاولپور، ایبٹ آباد ، نارووال، فیصل آباد، پشاور، سیالکوٹ کی نشریات ایف ایم 101 پر سن سکینگے اس بابت باقاعدہ نوٹیفیکیشن اور شیڈول جاری کر دیا گیا ہے۔