پنجاب حکومت نے 500 ملین روپے کے رحمت العالمین اسکالر شپ پروگرام کا اعلان کردیا

رحمت العالمین اسکالرشپ پروگرام کا باضابطہ اعلان وزیراعلیٰ پنجاب عثمان بزدار نے کیا ہے۔

پاکستان ریڈیو کے سرکاری ٹوئٹر ہینڈل کی جانب سے جاری کردہ ٹویٹ میں کہا گیا ہے کہ وزیراعلیٰ پنجاب عثمان بزدار نے صوبے میں 500 ملین روپے کے رحمت العالمین اسکالرشپ پروگرام شروع کرنے کا اعلان کیا۔

عثمان بزدار نے لاہور میں ایک نیوز کانفرنس سے خطاب کرتے ہوئے کہا کہ حضرت محمد ص کا احترام انتہائی اہمیت کا حامل ہے اور یہ دنیا بھر کے تمام مسلمانوں کے عقیدے کا ایک اہم حصہ ہے۔

ان کا کہنا تھا کہ اس اسکالر شپ پروگرام کی مالیت ابتدائی طور پر 500 ملین روپے رکھی گئی ہے تاہم اس فنڈ میں ہر سال اضافہ کیا جائے گا۔ انہوں نے مزید کہا کہ وظیفہ کی نصف رقم پوزیشن ہولڈرز کو پیش کی جائے گی جبکہ بقیہ رقم ضرورت مند طلبہ کو مزید تعلیم کی فراہمی کے لیے استعمال ہوگی۔