پنجاب میں پہلی سے آٹھویں جماعت کے امتحانات ہوں گے

بذریعہ ٹیم سی جی
|
جون 08, 2021
|

حکومت پنجاب نے پیر کے روز گریڈ ایک سے آٹھ کے امتحانات کے شیڈول کا اعلان کر دیا ہے کیونکہ آج ملک کے بیشتر حصوں میں تعلیمی اداروں نے دوبارہ کھلنا شروع کیا ہے۔

اس حوالے سے ٹوئٹر پر بات کرتے ہوئے، وزیر تعلیم پنجاب ڈاکٹر مراد راس نے اسکول بیسڈ اسسمنٹ کا شیڈول شیئر کیا ہے۔ اس شیڈول کے مطابق گریڈ ایک سے آٹھ تک کے طلباء کے لیے امتحانات 18 جون سے شروع ہوں گے اور 30 جون تک جاری رہیں گے۔ نوٹیفکیشن میں کہا گیا ہے کہ 10 جولائی تک رپورٹ کارڈ جاری کردیئے جائیں گے۔ نوٹیفیکیشن میں مزید کہا گیا ہے کہ امتحانات کے دوران حکومت کے جاری کردہ ایس او پیز پر عمل در آمد کو یقینی بنائیں۔

پنجاب میں پہلی سے آٹھویں جماعت کے امتحانات ہوں گے

مزید پڑھیئے: تعلیمی ادارے جزوی طور پر دوبارہ کھول دیئے گئے

کورونا وائرس کے اعدادوشمار کے پھیلاؤ میں کمی ظاہر ہونے کی وجہ سے ملک بھر کے تعلیمی ادارے آج (پیر) کو دوبارہ کھل گئے ہیں جبکہ سندھ میں پرائمری کلاسوں کے علاوہ کسی اور کلاس میں پڑھائی کا آغاز نہیں ہوا ہے۔

وائرس کے پھیلاؤ کو روکنے کے لیے ایس او پیز کی سخت تعمیل کے بعد اسکولوں، کالجوں اور یونیورسٹیوں نے بھی تعلیمی سرگرمیاں دوبارہ شروع کردی ہیں۔