اساتذہ کے لئے کوویڈ 19 کا ٹیسٹ صرف ایک تجویز ہے ، مراد راس

پنجاب کے وزیر تعلیم مراد راس نے 15 ستمبر کو اسکولوں کے افتتاح سے قبل اساتذہ کے لئے کوویڈ 19 ٹیسٹ لازمی قرار دینے کے فیصلے کو مسترد کردیا۔

راس نے بدھ کے روز ایک ٹوئٹ میں کہا ہے کہ اسکولوں کے دوبارہ کھلنے سے قبل اساتذہ کے لئے کورونا وائرس کا ٹیسٹ صرف صوبائی حکومت کی ایک تجویز ہے۔ انہوں نے کہا کہ اس سلسلے میں کوئی بھی فیصلہ تمام اسٹیک ہولڈرز کے ساتھ سات ستمبر کو ہونے والی میٹنگ کے دوران کیا جائے گا۔

مزید پڑھین: کے پی نے اسکولوں کے لئے نئے ایس او پیز جاری کردیئے

راس نے کہا کے ایک میڈیا چینل کے ذریعے ہماری بات کو غلط طریقے سے پیش کیا گیا تھا ، جس میں کہا گیا تھا کہ اساتذہ کو اسکولوں میں داخلا منفی کورونا وائرس ٹیسٹ آنے کی صورت میں ملے گا۔

حکومت نے اجلاس کے دوران متعدد اقدامات تجویز کیے تھے ، جیسے طلبا کو فیس ماسک پہننے کا پابند کرنا ، تمام طلبا کو ایک ساتھ کلاسوں میں جانے سے منع کرنا ، اسمبلی پر پابندی لگانا تھا۔

25 اگست کو ہونے والے اجلاس میں اسکول مالکان سے صوبائی حکومت کی تجاویز پر مشورہ لیا گیا تھا۔ ذرائع کا کہنا ہے کہ کچھ مالکان حکومتی منصوبے کے حامی ہیں ، جبکہ دیگر اس کے خلاف ہیں۔ اسکا حتمی فیصلہ 7 ستمبر بروز پیر کو متوقع ہے ، جب صوبائی تعلیم کے تمام وزرا وفاقی وزیر شفقت محمود کی زیر صدارت اجلاس میں موجود ہونگے۔