اسکول بند کرنے کا کوئی ارادہ نہیں، مراد راس

اسکول بند کرنے کا کوئی ارادہ نہیں، مراد راس

اسکول بند کرنے کا کوئی ارادہ نہیں، مراد راس

پنجاب کے وزیر تعلیم مراد راس نے اتوار کے روز اعلان کیا کہ حکومت کا اسکولوں کو بند کرنے کا کوئی منصوبہ نہیں ہے کیونکہ کووڈ نائنٹین کے معاملات میں حالیہ اضافہ تشویشناک نہیں ہے۔

یہ اعلان صوبائی وزیر تعلیم نے اپنے سوشل میڈیا ٹوئٹر اکاؤنٹ پر کیا۔ صوبائی وزیر نے اپنی ٹوئیٹ میں یقین دلایا کہ حکومت پنجاب صوبے کے اسکولوں میں کورونا کیسز پر کڑی نگاہ رکھے ہوئے ہے۔

مزید پڑھیں: اسکول کب بند ہوجائیں کچھ نہیں معلوم، سعید غنی

انہوں نے کہا کہ اسکولوں اور تعلیمی اداروں میں وقتاً فوقتاً کورونا کی جانچ کی جارہی ہے۔ صوبائی وزیر نے مزید کہا کہ پنجاب میں کورونا کے کیسز کی تعداد میں صرف معمولی سا اضافہ ہوا ہے، تاہم اس میں کچھ بھی تشویشناک نہیں ہے۔ وزیر تعلیم نے کہا کہ اس صورتحال کا روزانہ کی بنیاد پر تجزیہ کیا جاتا ہے اور ابھی حکومت کے پیش نظر اسکولوں کو بند کرنے کا کوئی منصوبہ نہیں ہے۔ صوبائی وزیر تعلیم نے اسکولوں کو حکومت کی طرف سے فراہم کردہ ایس او پیز اور ہدایات پر عمل کرنے کی بھی ہدایت کی۔

مزید پڑھیں: حکومت پنجاب کا تمام کنٹریکٹ اساتذہ کو مستقل کرنے کا فیصلہ

یہاں یہ امر قابل ذکر ہے کہ جولائی کے بعد سے، کورونا کے یومیہ کیسز 1000 کے ہندسے کو عبور کرچکے ہیں اور اس تعداد میں تیزی سے اضافہ ہورہا ہے۔ اس صورتحال کے پیش نظر وفاقی وزیر برائے منصوبہ بندی اسد عمر نے اس سے قبل اعلان کیا تھا کہ ملک ایک تشویشناک صورتحال کی طرف گامزن ہے۔ کورونا وائرس کے کیسز میں اضافے کے باعث بہت سے شہروں میں لاک ڈاؤن بھی نافذ کردیا گیا ہے۔

تمام مواد کے جملہ حقوق محفوظ ہیں ©️ 2021 کیمپس گرو

کیا آپ کے ذہن میں کوئی سوال ہے
ڈسکس کریں

× کلک کریں