کے پی حکومت نے اساتذہ کو مفت ٹیبلٹس فراہم کرنے کا فیصلہ واپس لے لیا

بذریعہ ٹیم سی جی
|
فروری 17, 2022
|

خیبرپختونخوا حکومت نے نئے تعینات ہونے والے اساتذہ کو 28 فروری تک اپنے ڈسٹرکٹ ایجوکیشن آفیسرز سے ٹیبلٹس حاصل کرنے کا حکم دیا ہے۔

اس بات کا اعلان کے پی ایلیمنٹری اینڈ سیکنڈری ایجوکیشن ڈیپارٹمنٹ کی جانب سے ایک ٹوئیٹ کے ذریعے کیا گیا، جس میں کہا گیا کہ کے پی ٹیبلٹ الاؤنس پالیسی کے تحت، درج ذیل سرکاری اسکولوں کے اساتذہ کو 28 فروری 2022 تک اپنے ڈی ای اوز سے رابطہ کرنے اور ٹیبلٹس خریدنے کی ضرورت ہے۔

کے پی حکومت نے اساتذہ کو مفت ٹیبلٹس فراہم کرنے کا فیصلہ واپس لے لیا

مزیدپڑھئیے: کے پی حکومت کا طلباء اور اساتذہ میں 1 بلین روپے کے ٹیبلٹس تقسیم کرنے کا منصوبہ

صوبائی حکومت نے 2019 اور 2021 کے درمیان بھرتی کیے گئے پی ایس ٹی، ایس ایس ٹی، پی ای ٹی اور سی ٹی انسٹرکٹرز کو مشورہ دیا ہے کہ وہ نو ماہ کی لازمی ٹیچرز انڈکشن پروگرام کی تربیت کو مکمل کرنے کے لیے مطلوبہ ٹیبلٹس خریدیں۔ محکمہ تعلیم کے مطابق، اساتذہ کو ٹیبلٹس کی تفصیلات کے لیے اپنے ڈی ای اوز سے رابطہ کرنا چاہیے اور اگر وہ رسید فراہم کرتے ہیں تو اس کی آدھی قیمت ادا کر دی جائے گی۔ ٹیچرز انڈکشن پروگرام کی تربیت مکمل کرنے کے بعد اساتذہ ٹیبلیٹس اپنے پاس رکھ سکیں گے۔