کراچی یونیورسٹی نے مختلف پروگرامز کے لئے داخلہ ٹیسٹ کی ضرورت ختم کردی

بذریعہ ٹیم سی جی
|
جولائی 07, 2020
|

کراچی یونیورسٹی (کے یو) نے 2020-21 کے تعلیمی سیشن کے لئے مختلف پروگراموں میں داخلہ ٹیسٹ واپس لے لیا ہے۔

اس کا اعلان یونیورسٹی کے رجسٹرار ڈاکٹر سلیم شہزاد نے کیا۔ انھوں نے کہا کہ ایم ایس (سرجری) ایم فل ، پی ایچ ڈی ، اور ایم ڈی (میڈیسن) پروگراموں کے لئے امیدواروں کو داخلے کا ٹیسٹ دینے کی ضرورت نہیں ہوگی۔ امیدواروں کے داخلے ان کے انٹرویو کی بنیاد پر ہونگے۔

طلبہ کے لئے ضروری ہے کہ وہ اپنے داخلہ فارم کی اسکین کاپیاں جمع کریں۔ اسی طرح ، غیر ملکی یا ایچ ای سی کے تسلیم شدہ مقامی ڈگری ایوارڈ دینے والے اداروں کے ڈگری ہولڈرز کو اقویلینس سرٹیفکیٹ کی ضرورت ہوگی۔ دستاویزات جمع کروانے کی آخری تاریخ 19 جولائی ہے۔

آپ کے یو کی سرکاری ویب سائٹ سے داخلہ پراسپیکٹس اور فیس واؤچر ڈاؤن لوڈ کرسکتے ہیں ، www.uokadmission.edu.pk