حکومت طلبہ کے لیے ایجوکیشن ریڈیو چینل شروع کریگی، شفقت محمود

حکومت طلبہ کے لیے ایجوکیشن ریڈیو چینل شروع کریگی، شفقت محمود

وفاقی وزیر تعلیم شفقت محمود نے کہا کہ حکومت کورونا وائرس لاک ڈاؤن کے بعد تعلیمی اداروں کی بندش سے متاثرہ افراد کی تعلیم کے لئے ایک نیا ریڈیو چینل شروع کرے گی۔

شفقت محمود نے یہ اعلان قومی اسمبلی میں وزیر اعظم کے مشیر بابر اعوان کی جانب سے پیش کی گئی درخواست پر تبصرہ کرتے ہوئے کیا۔

وزیر تعلیم نے مزید کہا کہ گذشتہ ماہ حکومت نے پی ٹی وی پر ایک ٹیلی اسکول متعارف کرایا تھا۔ یہ ٹیلی اسکول روزانہ صبح 8 بجے سے شام 6 بجے تک 10 گھنٹے کے لئے پہلی سے بارہویں کے طلبہ کو تعلیم فراہم کرتا ہے۔