پورے نمبروں کا قصہ، کے پی کے تعلیمی نظام کو اسکروٹنی کا سامنا

پورے نمبروں کا قصہ، کے پی کے تعلیمی نظام کو اسکروٹنی کا سامنا

کے پی میں ہونے والے میٹرک کے سالانہ امتحانات میں کچھ طلباء نے مکمل نمبر حاصل کیے جبکہ دیگر نے حال ہی میں ختم ہونے والے میٹرک کے امتحانات میں مجموعی نمبروں سے زیادہ نمبر حاصل کیے۔

میٹرک کے امتحانات میں ایک سے زیادہ طلباء کے پورے نمبر حاصل کرنے کا دلچسپ کیس ایک ایسا کارنامہ ہے جو ریکارڈ بک میں جگہ کا مستحق تھا، اب اسکروٹنی کا سامنا کررہا ہے اور خیبر پختونخوا کے تعلیمی نظام کے بارے میں تشویشناک سوالات بھی پیدا کر رہا ہے۔

کے پی حکومت نے ان نمبروں کی انکوائری کا حکم دیا ہے جس سے طلباء متاثر نہیں ہوں گے بلکہ امتحانی مارکرس اور ان چیکرز کو مقرر کرنے والے حکام سے باز پرس کی جائے گی جو کہ کنٹرولر اور متعلقہ تعلیمی بورڈز کے چیئرمین ہیں۔

مزید پڑھئے: انٹرمیڈیٹ رزلٹ برائے 2021: لاہور کے طلباء نے 100 فیصد نمبر حاصل کیے

اس معاملے سے واقفیت رکھنے والے قریبی ذرائع نے ایکسپریس ٹریبیون کو آگاہ کیا کہ تعلیمی بورڈ ان شاندار نتائج سے حیران رہ گئے۔

بورڈ آف انٹرمیڈیٹ اینڈ سیکنڈری ایجوکیشن پشاور کے ایک سابق رکن کا کہنا ہے کہ  ملک کی تاریخ میں کسی نے بھی میٹرک کے کسی امتحان میں 100 فیصد نمبر نہیں حاصل کیے۔ یہ ہمیشہ یاد رکھا جائے گا کیونکہ 1،100 میں سے پورے 1،100 نمبر اسکور کرنا ایک تاریخی واقعہ ہے۔

سابق بیوروکریٹ نے نام ظاہر نہ کرنے کی درخواست کرتے ہوئے الزام لگایا کہ امتحان دینے والے طلباء نتائج سے آگاہ نہیں تھے ، بورڈ اور اس کے ملازمین بشمول امتحانات چیک کرنے والے جانتے تھے کہ یہ ہونے والا ہے۔

مزید پڑھئے: پنجاب کے تمام ایجوکیشن بورڈز 48 گھنٹوں میں نتائج کا اعلان کریں گے

وفاقی حکومت کا مشترکہ فارمولا یہ تھا کہ صرف اختیاری مضامین کی جانچ کی جائے گی۔ دلچسپ بات یہ ہے کہ یہ فیصلہ کیا گیا کہ اگر کسی نے انتخابی مضمون میں 80 نمبر حاصل کیے تو اسے لازمی مضامین میں بھی اسی طرح کے نمبر دیے جائیں گے۔

مثال کے طور پر اگر کوئی طالب علم بائیولوجی میں 80 نمبر لیتا ہے تو فارمولے کے مطابق اسی طالب علم کو انگریزی میں بھی 80 نمبر دیے گئے۔ تاہم بی آئی ایس ای پی کے سابق عہدیدار کے مطابق کووڈ سے متعلقہ پابندیوں کی وجہ سے ناقص حاضری کی روشنی میں وفاقی حکومت کی طرف سے اضافی طور پر 20 اعزازی نمبر بھی دیئے گئے۔

ابتدائی طور پر کے پی حکومت نے 20 اعزازی نمبر دینے کے فیصلے پر اعتراض کیا تھا لیکن بعد میں اس تجویز سے اتفاق کیا کیونکہ اس سے مستقبل میں میڈیکل اور انجینئرنگ ٹیسٹ کے دوران طلباء کو مطلوبہ نمبر حاصل کرنے میں مدد ملے گی۔

سابق صوبائی ڈپٹی ڈائریکٹر ایجوکیشن قیصرو خان ​​نے ایکسپریس ٹریبیون سے گفتگو کرتے ہوئے کہا کہ یہ کس قسم کا فارمولا ہے؟

کوئی بھی اس پر اعتراض نہیں کرسکتا کیونکہ یہ کابینہ سے آیا ہے۔ ان کا خیال تھا کہ اگر مستقبل میں سپر اسپریڈر کی صورت حال ایسی ہی رہی تو حکومت طلباء کے لیے ایسے کلچر کو فروغ دے رہی ہے جو طالب علم کلاسوں میں نظر نہیں آتا لیکن پھر بھی پاس ہو رہا ہے۔ مسئلہ یہیں نہیں رکتا۔ انکوائری افسران نے انکشاف کیا کہ کچھ طلباء نے دستیاب نمبروں سے بھی زیادہ اسکور کیے اور بورڈز کو اپنی صوابدیدی طاقتوں کا استعمال کرتے ہوئے کمی کرنے کے لیے آگے بڑھنا پڑا۔

انکوائری ٹیم ان تمام افراد کے پرچوں کی جانچ کرے گی جنہوں نے 1050 اور اس سے زیادہ نمبر اسکور کیے ہیں اور پھر متعلقہ حکام کے سامنے اپنے نتائج پیش کرے گی۔

 ( یہ خبر ایکسپریس ٹریبیون کی 18 اکتوبر 2021 کی اشاعت سے اخذ کی گئی ہے)