ایف آئی اے نے ایم ڈی کیٹ پیپر لیک کرنے میں ملوث گروہ کو گرفتار کرلیا

بذریعہ ٹیم سی جی
|
نومبر 30, 2020
|

پشاور: فیڈرل انویسٹی گیشن ایجنسی (ایف آئی اے) نے اتوار کے روز ایم کیٹ کا پرچہ لیک کرنے میں مبینہ طور پر ملوث ٹیم کو گرفتار کرلیا۔

اطلاعات کے مطابق ، ایم ڈی کیٹ کا پرچہ لیک کرنے میں ملوث بیس طلباء اور دو منتظمین کو پشاور کے علاقے تہکال سے گرفتار کیا گیا ہے۔

ایف آئی اے نے بتایا کہ میڈیکل اینٹری امتحان کا پرچہ ٹیسٹ شروع ہونے سے کچھ گھنٹوں پہلے گینگ کی جانب سے لیک کیا گیا تھا۔ زیر حراست افراد سے مزید تفتیش ابھی جاری ہے۔

گذشتہ سال ، ایف آئی اے نے سی ایس ایس امتحانات کے پرچے لیک کرنے میں ملوث دو سرکاری عہدیداروں سمیت تین افراد کو حراست میں لیا تھا۔