اسکولوں کی بندش کا فیصلہ آج ہوگا

بذریعہ ٹیم سی جی
|
نومبر 16, 2020
|

وفاقی وزیر تعلیم شفقت محمود کی صدارت میں آج ایک اہم اجلاس ہوگا جس میں بڑھتے ہوئے کورونا وائرس کے کیسز کے باعث ملک میں اسکول اور دیگر تعلیمی اداروں کو بند کرنے یا نہ کرنے کے بارے میں فیصلہ کیا جائے گا۔

دنیا بھر میں کورونا وائرس کی دوسری لہر کے باعث کورونا کے متاثرین کی تعداد میں اضافہ ہورہا ہے، پاکستان میں 27 فیصد کورونا کیسز فقط نومبر کے مہینے میں پھیلے ہیں جس کے عوام اور حکام میں باعث تشویش پائی جاتی ہے۔

کورونا کے باعث اسکولوں کو بند کرنے یا کھلا رکھنے کے بارے میں سوچ بچار کرنے کے لیے وزرائے تعلیم آج ایک بار پھر سر جوڑ کر بیٹھیں گے، اس اجلاس میں رواں سال کے اوائل میں موسم سرما کی تعطیلات کے اعلان اور موسم سرما کی تعطیلات میں توسیع کے بارے میں بھی تبادلہ خیال کیا جائے گا تاکہ کورونا وائرس کی دوسری لہر سے بچوں کو محفوظ رکھا جاسکے۔