اے ای یو کی پسماندہ علاقوں تک اپنے نیٹ ورک کی توسیع

بذریعہ ٹیم سی جی
|
جون 27, 2020
|

علامہ اقبال اوپن یونیورسٹی نے پسماندہ علاقوں میں نیٹ ورک کی توسیع کا کام تیز کردیا،ترجمان جامعہ کے مطابق علامہ اقبال اوپن یونیورسٹی نے دیہی اور شہری علاقوں میں یکساں تعلیمی مواقعوں کی فراہمی کو یقینی بنانے کے لئے ملک بھر کے دور دراز اور پسماندہ علاقوں میں تعلیمی نیٹ ورک کی توسیع کا کام تیز کردیا ہے۔

ریجنل سینٹر موروسندھ کے بلڈنگ کی سنگ بنیاد کی تقریب سے خطاب کرتے ہوئے ڈائریکٹر ریجنل سروسسز ڈاکٹر انعام اﷲ شیخ نے کہا کہ "تعلیم سب کے لئے"کے خواب کو پورا کرنے کے لئے ملک کے ہر حصے میں یونیورسٹی کے ریجنل سینٹرز قائم کرنے کی اشد ضرورت محسوس ہورہی تھی ،ریجنل آفسسزاور ماڈل اسٹڈی سینٹرز کے قیام کے لئے وائس چانسلر ملک کے چاروں صوبوں میں سرکاری حکام اور نجی مخیر حضرات سے پلاٹس بطور عطیہ کے حصول کے لئے ملاقاتیں کررہے ہیں۔

انہوں نے مزید کہا کہ مورو یونیورسٹی کا علاقائی مرکز ایک کرایے کی عمارت ہے جسے علاقے کے ایک بااثر شخص غلام نبی مورائ نے عطیہ کیا ہے۔