کورونا کی بڑھتی ہوئی لہر اسلام آباد کے مزید 5 تعلیمی ادارے سیل

بذریعہ ٹیم سی جی
|
نومبر 13, 2020
|

کورونا وائرس کے کیسز رپورٹ ہونے پر وفاقی دارالحکومت اسلام آباد میں مزید 5 تعلیمی ادارے سیل کردئیے گئے ہیں۔ڈسٹرکٹ ہیلتھ آفیسر اسلامآباد کی جانب سے جاری مراسلے کے مطابق وفاقی دارالحکومت کے ایک تعلیمی ادارے کو دوبارہ سیل کر دیا گیا ہے۔

جاری اعلامیہ کے مطابق اسلام آباد ماڈل کالج فار گرلز مارگلہ کیمپس ایف 7 فور میں کورونا کے 4 کیسز رپورٹ ہوئے۔ اسلام آباد ماڈل سکول فار گرلز لکھوال میں 2 کیسز، اسلام آباد ماڈل کالج فار گرلز نلور میں 2 کیسز، اسلام آباد ماڈل اسکول فار گرلز جی ٹین ون میں 2 کیسز اور اسلام آباد ماڈل اسکول فار بوائز جی 7 میں 2 کیسز رپورٹ ہوئے۔

ڈسٹرکٹ ہیلتھ آفیسر کی جانب سے جاری مراسلے کے مطابق کورونا کیسز رپورٹ ہونے والے تمام تعلیمی اداروں کو سیل کرنے کے احکامات جاری کردیے گئے ہیں۔ خیال رہے کہ کورونا کیسز کے باعث اب تک اسلام آباد میں 79 تعلیمی ادارے سیل کیے جا چکے ہیں۔