وزیر اعظم ہاؤس کو یونیورسٹی میں تبدیل کرنے کا عمل جاری ہے، فواد چوہدری

وفاقی وزیر برائے سائنس و ٹیکنالوجی فواد چوہدری نے قومی اسمبلی کے اجلاس میں وقفہ سوالات کے دوران اپنے تحریری جواب میں وزیر اعظم ہاؤس کو یونیورسٹی میں تبدیل کرنے کے منصوبے کو شیئر کیا۔

وفاقی وزیر نے انکشاف کیا کہ وزیر اعظم ہاؤس میں یونیورسٹی آف انجینئرنگ اینڈ ایمرجنگ ٹیکنالوجیز کے قیام کے منصوبے پر کام جاری ہے۔

اس کے ساتھ ساتھ سیشن کی وضاحت کرتے ہوئے وفاقی وزیر نے کہا کہ وزیر اعظم ہاؤس کی لوکیشن پر یونیورسٹی قائم کرنے کے منصوبے کو پبلک سیکٹر ڈیولپمنٹ پروگرام برائے 2020-2021 میں بھی شامل کیا گیا ہے۔

اجلاس کی صدارت قومی اسمبلی کے اسپیکر اسد قیصر نے کی۔

انہوں نے مزید کہا کہ کابینہ کی منظوری کے بعد اسلام آباد کے ماسٹر پلان پر بھی نظر ثانی کی گئی ہے۔ مزید یہ کہ حالیہ تبادلوں کی لہر میں وزیر اعظم عمران خان وفاقی کابینہ میں نئے چہروں کو لانے کا ارادہ رکھتے ہیں اور توقع کی جارہی ہے کہ فواد چوہدری کو وزارت اطلاعات کی ذمے داریاں سونپ دی جائیں گی۔