جامعہ کراچی میں ویژول اسٹڈیز کا داخلہ ٹیسٹ 6 دسمبر کو ہوگا

یونیورسٹی کی داخلہ انچارج ڈاکٹر صائمہ اختر نے اعلان کیا ہے کہ یونیورسٹی آف کراچی میں بیچلرز آف ڈیزائن اینڈ بیچلرز آف فائن آرٹس (چار سالہ ڈگری پروگرام) اور بیچلرز آف آرکیٹیکچر (پانچ سالہ ڈگری پروگرام) کے لیے انٹری ٹیسٹ اتوار 6 دسمبر کو منعقد ہوگا۔

جامعہ کراچی کے محکمہ برائے بصری علوم (ویژول اسٹڈیز) میں جمعرات کے روز داخلے کی تاریخ کا اعلان کیا گیا۔ داخلہ کی انچارج ڈاکٹر صائمہ اختر نے انٹری ٹیسٹ کی تاریخ کا اعلان کرتے ہوئے کہا کہ 6 دسمبر کو انٹری ٹیسٹ برائے بیچلرز آف فائن آرٹس (چار سالہ ڈگری پروگرام) اور بیچلرز آف آرکیٹیکچر (پانچ سالہ ڈگری پروگرام) کا انعقاد کیا جائے گا۔

ڈاکٹر صائمہ اختر نے درخواست گزاروں کو ہدایت کی کہ وہ درج ذیل لنک پر جا کر اپنے داخلہ کارڈ سرکاری ویب پورٹل سے پرنٹ کریں۔

www.uokadmission.edu.pk.

انہوں نے بتایا کہ ٹیسٹ کے اوقات اور امتحانی مراکز سے متعلق تمام ضروری معلومات داخلہ کارڈ پر دی جاتی ہیں جبکہ طلباء کو ان کے امتحانی مراکز اور انٹری ٹیسٹ کے اوقات سے متعلق ایک ایس ایم ایس اور ای میل بھی حاصل ہوجائے گی۔ ڈاکٹر صائمہ اختر نے درخواست گزاروں کو مشورہ دیا کہ وہ کورونا وائرس کے پھیلاؤ کو روکنے کے لیے حکومت کے فراہم کردہ ایس او پیزاور دیگر ہدایات پر سختی سے عمل کریں۔