کے یو نے بی کام کے امتحانی فارموں کی آخری تاریخ میں توسیع کردی

کے یو نے بی کام کے امتحانی فارموں کی آخری تاریخ میں توسیع کردی

جمعرات کے روز کے یو کے امتحانی دفتر نے بتایا کہ جامعہ کراچی نے بی کام (باقاعدہ) پارٹ ون، ٹو اور دونوں پارٹس کے سالانہ امتحانات برائے 2020 کے امتحانی فارم اور فیس جمع کروانے کی آخری تاریخ میں 9 مارچ تک توسیع کردی ہے۔

مزید پڑھیں:  ایچ ای سی کا کوئین میری یونیورسٹی کی اسکالر شپس کا اعلان

کے یو کے امتحانی دفتر کے مطابق پارٹ ون یا ٹو کے طلباء 6،725 روپے بطور فیس ادا کریں گے، جبکہ دونوں حصوں کے طلباء کو 11،850 روپے کی فیس ادا کرنا ہوگی۔

امیدوار اپنے امتحانی فارم 100 روپے کی ادائیگی کے عوض نیشنل بینک آف پاکستان، یونائیٹڈ بینک لمیٹڈ، حبیب بینک لمیٹڈ، سندھ بینک اور بینک الفلاح کی کیمپس میں واقع برانچز میں جمع کراسکتے ہیں۔

مزید پڑھیں:  پنجاب یونیورسٹی: ایسوسی ایٹ ڈگری پروگرام برائے2021 میں داخلے کی آخری تاریخ میں توسیع

امتحانی دفتر نے مزید کہا کہ جن امیدواروں نے 2014  یا اس سے قبل اندراج کیا تھا وہ سالانہ امتحانات میں معمول کی امتحانی فیس پر 3،000 روپے فائن ادا کرکے نئے امتحانات میں شرکت کرسکتے ہیں جبکہ انہیں موجودہ نصاب کی تیاری کرنا ضروری ہے۔ انہوں نے کہا کہ بی ایس سی (پاس) پارٹ 1 ، 2 اور دونوں حصوں کی سالانہ امتحانات برائے 2020 کے امتحانی فارم اور فیس 18 مارچ 2021 تک اپنے کالجوں میں بغیر کسی لیٹ فیس کے جمع کرائی جاسکتی ہے۔

بی کام ریگولر کے امتحانی فارم  بینکوں کی اسی کیمپس میں واقع برانچز پر دستیاب ہوں گے۔