کے پی کے وزیر تعلیم کی طلباء کو ایس او پیز کے نفاذ کی ترغیب

بذریعہ ٹیم سی جی
|
دسمبر 02, 2020
|

کے پی کے وزیر تعلیم کی طلباء کو ایس او پیز کے نفاذ کی ترغیب

خیبرپختونخوا (کے پی) کے وزیر تعلیم شہرام خان نے طلباء سے کووِڈ 19 کے دوران ہوم ورک اور اسائنمنٹس پر خصوصی توجہ دینے کی اپیل کی ہے۔

گورنمنٹ اسکول پشاور کے دورے کے موقع پر میڈیا سے خطاب کرتے ہوئے انہوں نے طلبا کو کورونا وائرس کے پھیلاؤ پر قابو پانے کے لیے ایس او پیز پر عمل کرنے کی ترغیب دی۔

صوبائی وزیر تعلیم نے کہا کہ محکمہ تعلیم واٹس ایپ گروپس، سوشل میڈیا اور محکمہ تعلیم کی ویب سائٹ کے ذریعے آن لائن کلاسز کو یقینی بنانے کے لیے اقدامات کررہا ہے۔

یہاں یہ امر قابل ذکر ہے کہ تعلیمی اداروں میں کورونا وائرس کے کیسز میں اضافے کے باعث سرکاری حکم پر 26 نومبر کو ملک بھر کے تمام تعلیمی ادارے بند کردیئے گئے تھے۔