اسلام آباد اور راولپنڈی میں بھی بورڈ کے امتحانات ملتوی کر دیے گئے

بذریعہ Mariam Siddiqui
|
مئی 26, 2022
|

اسلام آباد اور راولپنڈی میں بھی بورڈ کے امتحانات ملتوی کر دیے گئے

بورڈ آف انٹرمیڈیٹ اینڈ سیکنڈری ایجوکیشن (بی آئی ایس ای) راولپنڈی نے اعلان کیا ہے کہ آج یعنی 26 مئی کو ہونے والے تمام امتحانات ملتوی کر دیے گئے ہیں۔

بیان کے مطابق، یہ فیصلہ ناگزیر واقعات کی وجہ سے کیا گیا۔

بی آئی ایس ای راولپنڈی نے ایک پریس ریلیز میں اطلاع دی ہے کہ جمعرات کو ہونے والے امتحانات بھی محکمہ ہائر ایجوکیشن پنجاب کے ایک نوٹیفکیشن کی وجہ سے ملتوی کردیئے گئے ہیں۔

بیان کے مطابق، ان امتحانات کی نئی تاریخوں کا اعلان بعد میں کیا جائے گا، اور تمام طلباء کو پہلے ہی مطلع کر دیا جائے گا۔

پاکستان تحریک انصاف کی وفاقی دارالحکومت کی طرف ریلی کے نتیجے میں جڑواں شہروں (اسلام آباد اور راولپنڈی) کے ساتھ ساتھ ملک کے دیگر حصوں، خاص طور پر پنجاب اور کے پی میں سڑکیں بلاک ہونے کی اطلاع ملی ہے۔ اس کی وجہ سے پورے صوبے میں غیر یقینی صورتحال پیدا ہوئی ہے اور اس نے تعلیمی اور دیگر اداروں کو بڑے پیمانے پر متاثر کیا ہے۔