طلبا کو ہراساں کرنے کے خلاف سینیٹ میں بل پیش

بذریعہ ٹیم سی جی
|
اگست 19, 2020
|

طلبا کو ہراساں کرنے کے خلاف سینیٹ میں بل پیش

تعلیمی اداروں میں طلبا کو ہراساں کرنے کے خلاف سینیٹ میں بل پیش کردیا گیا۔

'تعلیمی اداروں میں طلبا کو ہراساں کرنے کے خلاف تحفظ بل 2020' کی تجویز پاکستان مسلم لیگ (ن) کے سینیٹر جاوید عباسی نے دی۔

عباسی نے کہا کہ اب ہمیں ضرورت ہے کہ بل کو ایک قاعدہ کے طور پر پاس کیا جائے ، کیوں کہ یونیورسٹیوں میں طالبات کے ساتھ ہراساں کرنے کے واقعات میں نمایاں اضافہ ہوا ہے۔

حال ہی میں اس طرح کے دو معاملات یونیورسٹی آف بلوچستان اور گومل یونیورسٹی میں درج ہوئے ہیں۔ عباسی نے بتایا کہ لاہور کے ایک اسکول میں بھی اسی نوعت کا ایک کیس درج کیا گیا ہے۔

انہوں نے مجرمانہ کارروائیوں ملوث افراد کے خلاف قانونی کارروائی کرنے کے لئے اس معاملے پر قانون سازی کرنے کا مطالبہ کیا۔